Marina and Rohit in Bigg Boss season 6 | బిగ్బాస్ హౌస్లోకి ఒక కలర్ఫుల్ కపుల్ ఎంట్రీ ఇచ్చింది. సీరియల్ నటులుగా పాపులర్ అయిన రియల్ కపుల్ మెరీనా రోహిత్ జంట బిగ్బాస్ హౌస్లోకి అడుగుపెట్టారు. పది, 11వ కంటెస్టెంట్స్గా ఈ జంట హౌస్లోకి ఎంట్రీ ఇచ్చింది. వరుణ్ సందేశ్, వితికా షెరూ తర్వాత ఇన్నేళ్లకు మళ్లీ ఒక రియల్ కపుల్ బిగ్బాస్ హౌస్లోకి రావడంతో ఈ సీజన్ ఎలా ఉండబోతుందోనని ప్రేక్షకులు ఆసక్తిగా ఎదురుచూస్తున్నారు. ఈ క్రమంలో ఈ కపుల్ గురించి ఒకసారి తెలుసుకుందాం.
మెరీనా అబ్రహం గోవాలోని క్రిస్టియన్ ఫ్యామిలీలో జన్మించింది. జీ తెలుగులో ప్రసారమైన అమెరికా అమ్మాయి సీరియల్తో తెలుగు ప్రేక్షకులకు పరిచయమైంది. అందులో సమంతా కళ్యాణిగా మంచి గుర్తింపు తెచ్చుకుంది. ఆ తర్వాత ఉయ్యాల జంపాలా సీరియల్లోనూ నటించింది. 2016లో రొమాన్స్ విత్ ఫైనాన్స్ అనే సినిమాతో వెండితెరకు ఎంట్రీ ఇచ్చింది. అనంతరం సబ్ కా దిల్ ఖుష్ అనే హిందీ చిత్రంలోనూ నటించింది. రోహిత్ సహానీ కూడా పలు సీరియల్స్తో గుర్తింపు తెచ్చుకున్నాడు. నీలికలువలు, అభిలాష అనే సీరియల్స్లో నటించాడు. 2015లో చిరు గొడవలు అనే సినిమాలో కూడా నటించాడు. ఇక రోహిత్, మెరీనా ఇద్దరూ ఒక డ్యాన్స్ రియాల్టీ షోలో కలుసుకున్నారు. ఆ పరిచయం కాస్త ప్రేమగా మారింది. దీంతో 2017లో ఇద్దరూ పెళ్లి చేసుకున్నారు.
Bigg Boss 6 Telugu Live Updates | బిగ్బాస్ 6 తెలుగు లైవ్ అప్డేట్స్