Mani Ratnam | విజయ్ సేతుపతి, సాయిపల్లవి జోడీగా మణిరత్నం మూవీ: సంక్రాంతికే బరిలోకి!

Mani Ratnam | ప్రముఖ దర్శకుడు మణిరత్నం దర్శకత్వంలో టాలెంటెడ్ యాక్టర్ విజయ్ సేతుపతి, నేచురల్ బ్యూటీ సాయిపల్లవి ప్రధాన పాత్రల్లో నటిస్తున్న ప్రతిష్టాత్మక చిత్రం షూటింగ్ శరవేగంగా జరుగుతోంది.

Mani Ratnam | ప్రముఖ దర్శకుడు మణిరత్నం దర్శకత్వంలో టాలెంటెడ్ యాక్టర్ విజయ్ సేతుపతి, నేచురల్ బ్యూటీ సాయిపల్లవి ప్రధాన పాత్రల్లో నటిస్తున్న ప్రతిష్టాత్మక చిత్రం షూటింగ్ శరవేగంగా జరుగుతోంది. మణిరత్నం మార్క్ రొమాంటిక్ డ్రామాగా తెరకెక్కుతున్న ఈ సినిమాపై టాలీవుడ్ మరియు కోలీవుడ్‌లో భారీ అంచనాలు నెలకొన్న సంగ‌తి తెలిసిందే.

అయితే ఈ క్రేజీ ప్రాజెక్ట్‌కు సంబంధించిన తాజా షూటింగ్ విశేషాలు సినీ వర్గాల్లో హాట్ టాపిక్‌గా మారాయి. ఇప్పటివరకు కోల్‌కతాలో 11 రోజులు, పుదుచ్చేరిలో 7 రోజుల పాటు కీలక సన్నివేశాల చిత్రీకరణను విజయవంతంగా పూర్తి చేశారు. అంతేకాకుండా, గత రెండు రోజులుగా చెన్నైలోనూ నిరంతరంగా షూటింగ్ కొనసాగుతోంది. ఎక్కడా ఎలాంటి విరామం ఇవ్వకుండా జెట్ స్పీడ్‌తో ఈ సినిమా షూటింగ్‌ను పూర్తి చేసే పనిలో పడ్డారు మేకర్స్.

మణిరత్నం మార్క్ రొమాంటిక్ డ్రామాగా రూపొందుతున్న ఈ చిత్రాన్ని వచ్చే సంక్రాంతి (పొంగల్) కానుకగా ప్రేక్షకుల ముందుకు తీసుకురావాలని చిత్రబృందం ప్రణాళికాబద్ధంగా అడుగులు వేస్తోంది. తనదైన సున్నితమైన ప్రేమకథలతో వెండితెరపై మాయ చేసే మణిరత్నం, ఈ సినిమాతో మరోసారి ఘన విజయాన్ని సాధించడం ఖాయమని ట్రేడ్ వర్గాలు ధీమా వ్యక్తం చేస్తున్నాయి.