యాక్షన్‌ మోడ్‌లో శంకర వరప్రసాద్‌

అగ్ర హీరో చిరంజీవి ‘మన శంకరవరప్రసాద్‌ గారు’ సినిమాపై ఇప్పటికే భారీ హైప్‌ నెలకొని ఉంది. ‘మీసాల పిల్ల’ ‘శశిరేఖ’ వంటి పాటలు మిలియన్లకుపైగా వ్యూస్‌తో సంగీత ప్రియుల్ని అలరిస్తున్నాయి. ఈ సినిమాలో మరో అగ్ర నటుడు వెంకటేశ్‌ కీలమైన అతిథి పాత్రలో నటిస్తున్న విషయం తెలిసిందే.

అగ్ర హీరో చిరంజీవి ‘మన శంకరవరప్రసాద్‌ గారు’ సినిమాపై ఇప్పటికే భారీ హైప్‌ నెలకొని ఉంది. ‘మీసాల పిల్ల’ ‘శశిరేఖ’ వంటి పాటలు మిలియన్లకుపైగా వ్యూస్‌తో సంగీత ప్రియుల్ని అలరిస్తున్నాయి. ఈ సినిమాలో మరో అగ్ర నటుడు వెంకటేశ్‌ కీలమైన అతిథి పాత్రలో నటిస్తున్న విషయం తెలిసిందే. ఈ ఇద్దరు సూపర్‌స్టార్స్‌ కలిసి స్టెప్పులేసిన పబ్‌సాంగ్‌ కూడా ప్రమోషన్‌లో హైలైట్‌గా నిలుస్తున్నది. ఈ నేపథ్యంలో సినిమా ట్రైలర్‌ కోసం అభిమానులు ఆసక్తిగా ఎదురుచూస్తున్నారు.

శుక్రవారం మేకర్స్‌ ఆ శుభవార్తను వెల్లడించారు. ఈ నెల 4న ట్రైలర్‌ను విడుదల చేస్తున్నట్లు ప్రకటించారు. ఈ సందర్భంగా ఓ పవర్‌ఫుల్‌ స్టిల్‌ను విడుదల చేశారు. ఇందులో చిరంజీవి చేతిలో తుపాకీ పట్టుకొని యాక్షన్‌ మోడ్‌లో కనిపిస్తున్నారు. మాస్‌ ఎలిమెంట్స్‌తో పాటు క్రైమ్‌ డ్రామా కలబోసిన చిత్రమిదని, వినోదానికి పెద్దపీట వేశామని మేకర్స్‌ తెలిపారు. నయనతార కథానాయికగా నటిస్తున్న ఈ చిత్రానికి అనిల్‌ రావిపూడి దర్శకుడు. షైన్‌స్క్రీన్స్‌, గోల్డ్‌ బాక్స్‌ ఎంటర్‌టైన్‌మెంట్‌ పతాకాలపై సాహు గారపాటి, సుస్మిత కొణిదెల నిర్మిస్తున్నారు. సంక్రాంతి కానుకగా ఈ నెల 12న ఈ చిత్రం ప్రేక్షకుల ముందకురానున్న విషయం తెలిసిందే.