Special Chicken Recipe | స్పెష‌ల్‌ స్పైసీ చికెన్ వండి చూపించిన సూప‌ర్‌స్టార్‌

స్పైసీ చికెన్ చేయడం ఎలా అనేది చూపించాడు మోహన్ లాల్. దీనికి ఫ్యాన్స్ కూడా ఫిదా అయిపోతున్నారు. నోరూరించేలా ఈ చికెన్ కర్రీ సిద్ధం చేశాడు మోహన్ లాల్.

July 24, 2021 / 10:11 PM IST

Special Chicken Recipe | స్పెష‌ల్‌ స్పైసీ చికెన్ వండి చూపించిన సూప‌ర్‌స్టార్‌

మన హీరోల్లో చాలా మంది అద్భుతమైన పాక శాస్త్ర నిపుణులు ఉన్నారు. అంటే వంటలు అద్భుతంగా చేస్తారన్నమాట. అందులో స్టార్ హీరోలు కూడా ఉన్నారు. ఇంట్లో ఉన్నపుడు.. షూటింగ్స్ లేనప్పుడు తమ వంటల ప్రతిభను చూపిస్తుంటారు. ఇప్పుడు మలయాళ సూపర్ స్టార్ మోహన్ లాల్ కూడా ఇదే ట్రై చేశాడు. తనలోని వంట నైపుణ్యం చూపించాడు. తాజాగా స్పైసీ చికెన్ రెసిపీ చేసి ఇన్‌స్టాగ్రామ్‌లో పోస్ట్ చేశాడు మోహన్ లాల్.

మోహ‌న్‌లాల్‌ తెలుగు ప్రేక్షకులకు కూడా బాగానే పరిచయం. ఇక్కడ కూడా ఈయన సినిమాలు విడుదలవుతుంటాయి. దానికితోడు మనమంతా, జనతా గ్యారేజ్ లాంటి సినిమాలతో నేరుగానే తెలుగు ఆడియన్స్‌ను పలకరించాడు మోహన్ లాల్. ప్రస్తుతం వరస సినిమాలతో బిజీగా ఉన్నాడు ఈయన. మోహన్ లాల్ నటించిన జాతీయ ఉత్తమ చిత్రం మరక్కాడ్ విడుదలకు సిద్ధంగా ఉంది. ఇదంతా ఇలా ఉంటే తాజాగా ఈయన సోషల్ మీడియాలో పోస్ట్ చేసిన చికెన్ కర్రీ రెసిపీ సూపర్ వైరల్ అవుతుంది. అందులో స్పైసీ చికెన్ చేయడం ఎలా అనేది చూపించాడు మోహన్ లాల్. దీనికి ఫ్యాన్స్ కూడా ఫిదా అయిపోతున్నారు. నోరూరించేలా ఈ చికెన్ కర్రీ సిద్ధం చేశాడు మోహన్ లాల్. ఎవరి సాయం తీసుకోకుండా ఒంటరిగానే ఈ చికెన్ వండేశాడు సూపర్ స్టార్. కారాలు మిర్యాలు నూరుకుంటూ.. ముందు కారం పొడి పెట్టుకుంటూ.. మెల్లగా చికెన్‌ను ఆయిల్ లో రోస్ట్ చేస్తూ.. నోరూరిపోయేలా సిద్ధం చేశాడు.