యువత మెచ్చే ‘మ్యాడ్‌’

గురువారం రాఖీ పౌర్ణమి పర్వదినాన్ని పురస్కరించుకొని ప్రముఖ నిర్మాణ సంస్థ సితార ఎంటర్‌టైన్‌మెంట్స్‌ ‘మ్యాడ్‌' పేరుతో తెరకెక్కించబోతున్న కొత్త చిత్రాన్ని ప్రకటించింది.

గురువారం రాఖీ పౌర్ణమి పర్వదినాన్ని పురస్కరించుకొని ప్రముఖ నిర్మాణ సంస్థ సితార ఎంటర్‌టైన్‌మెంట్స్‌ ‘మ్యాడ్‌’ పేరుతో తెరకెక్కించబోతున్న కొత్త చిత్రాన్ని ప్రకటించింది. నార్నే నితిన్‌, సంగీత్‌ శోభన్‌, రామ్‌ నితిన్‌, గౌరీప్రియా రెడ్డి ప్రధాన పాత్రల్లో నటిస్తున్న ఈ చిత్రానికి కల్యాణ్‌ శంకర్‌ దర్శకత్వం వహిస్తారు. హారిక సూర్యదేవర, సాయిసౌజన్య నిర్మాతలు. ‘యూత్‌ఫుల్‌ ఎంటర్‌టైనర్‌గా తెరకెక్కించబోతున్నాం. ఆద్యంతం వినోదప్రధానంగా ఆకట్టుకుంటుంది.

సినిమా కాన్సెప్ట్‌ కూడా చాలా కొత్తగా ఉంటుంది. ఈ చిత్రానికి సంబంధించిన మరిన్ని వివరాలను త్వరలో వెల్లడిస్తాం’ అని చిత్రబృందం పేర్కొంది. ఈ చిత్రానికి కెమెరా: సామ్‌దత్‌ సైనుద్దీన్‌, దినేష్‌ కృష్ణన్‌ బి, సంగీతం: భీమ్స్‌ సిసిరోలియో, సమర్పణ: ఎస్‌.నాగవంశీ, రచన-దర్శకత్వం: కల్యాణ్‌ శంకర్‌.