Love Insurance kompany | ప్రదీప్‌ రంగనాథన్‌ కొత్త మూవీ.. విడుదల తేదీ ప్ర‌క‌టించిన‌ నయనతార

Pradeep Ranganathan | త‌మిళ ద‌ర్శ‌కుడు ప్రదీప్‌ రంగనాథన్ ద‌ర్శ‌క‌త్వం వ‌దిలేసి వ‌రుస సినిమాలు చేస్తున్న విష‌యం తెలిసిందే. గ‌తేడాది ల‌వ్‌టుడే సినిమాతో బ్లాక్ బ‌స్ట‌ర్ అందుకున్న ఈ న‌టుడు రీసెంట్‌గా డ్రాగ‌న్ సినిమాతో మ‌రో హిట్‌ని అందుకున్నాడు.

LIK release Announcement | త‌మిళ ద‌ర్శ‌కుడు ప్రదీప్‌ రంగనాథన్ ద‌ర్శ‌క‌త్వం వ‌దిలేసి వ‌రుస సినిమాలు చేస్తున్న విష‌యం తెలిసిందే. గ‌తేడాది ల‌వ్‌టుడే సినిమాతో బ్లాక్ బ‌స్ట‌ర్ అందుకున్న ఈ న‌టుడు రీసెంట్‌గా డ్రాగ‌న్ సినిమాతో మ‌రో హిట్‌ని అందుకున్నాడు. అయితే తాజాగా ప్ర‌దీప్ మ‌రో రెండు సినిమాల‌ను లైన్‌లో పెట్టాడు. ఇప్ప‌టికే ప్రేమ‌లు భామ మ‌మితా బైజుతో డ్యూడ్ అనే సినిమా చేస్తున్న ప్ర‌దీప్ తాజాగా మ‌రో సినిమాను విడుద‌ల‌కు సిద్ధం చేశాడు. ప్ర‌దీప్ ప్ర‌ధాన పాత్ర‌లో న‌టిస్తున్న తాజా చిత్రం ల‌వ్ ఇన్సురెన్స్ కంపెనీ(Love Insurance kompany). ఈ సినిమాకు న‌య‌న‌తార భ‌ర్త విగ్నేష్ శివ‌న్ ద‌ర్శ‌క‌త్వం వ‌హిస్తుండ‌గా.. ఎస్ ఎస్ ల‌లిత్ కుమార్‌తో క‌లిసి న‌య‌న‌తార నిర్మిస్తుంది.

ప్రదీప్ రంగనాథన్‌తో పాటు, S J సూర్య, కృతి శెట్టి, యోగి బాబు, సీమాన్, గౌరీ కిషన్, షా రా త‌దిత‌రులు ఈ సినిమాలో కీల‌క పాత్ర‌ల్లో న‌టిస్తున్నారు. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ చిత్రం నుంచి మేక‌ర్స్ విడుద‌ల తేదీని పంచుకున్నారు. టైమ్ ట్రావెల్ నేపథ్యంలో సాగే ఈ సినిమాను సెప్టెంబ‌ర్ 18న ప్రేక్ష‌కుల ముందుకు తీసుకురాబోతున్న‌ట్లు న‌య‌న‌తార ప్ర‌క‌టించింది. తమిళంతో పాటు తెలుగు, కన్నడ, మలయాళ భాషల్లోనూ ఈ చిత్రం విడుదల కానుందని ఆమె తెలిపారు. ఈ చిత్రంలో ప్రదీప్ రంగనాథన్ ప్రేమ కోసం ఒక ప్రత్యేకమైన మొబైల్ గాడ్జెట్‌ను ఉపయోగించి 2035 సంవత్సరం వరకు టైమ్ ట్రావెల్ చేసే వ్యక్తి పాత్రలో కనిపించనున్నారు.