Visit:
Shad Nagar | జింకను వేటాడి మాంసాన్ని తరలిస్తున్న ఎనిమిది మందిని ఎస్ఓటీ పోలీసులు అరెస్టు చేశారు. షాద్నగర్ టోల్ ప్లాజా వద్ద వాహనాల తనిఖీలు నిర్వహిస్తున్న సమయంలో అనుమానాస్పదంగా వెళ్తున్న రెండు కార్లను పోలీసులు తనిఖీ చేయగా జింక మాంసం బయటపడింది.
వాహనాల్లో మొత్తం 13 కిలోల జింక మాంసాన్ని పోలీసులు స్వాధీనం చేసుకున్నారు. జింకను వేటాడేందుకు ఉపయోగించిన రైఫిల్ను కూడా స్వాధీనం చేసుకున్నారు. మాంసాన్ని తరలిస్తున్న రెండు కార్లను సీజ్ చేశారు.
అరెస్టు చేసిన ఎనిమిది మందిని తదుపరి చర్యల నిమిత్తం కొత్తూరు పోలీసులకు అప్పగించారు. అటవీ శాఖ అధికారులు కేసు నమోదు చేసి నిందితులను రిమాండ్కు తరలించేందుకు చర్యలు చేపట్టారు.
