Visit:
Asian Games Cricket | ఆసియా క్రీడల పురుషుల క్రికెట్లో టీమిండియా జట్టు ఒక్క బంతి కూడా ఆడకుండానే సెమీస్కి చేరింది. సోమవారం భారత్, ఆఫ్ఘనిస్తాన్ మధ్య క్లార్టర్ ఫైనల్స్ జరగాల్సి ఉండగా, వరుణుడి దెబ్బకు టాస్ పడకుండానే మ్యాచ్ రద్ధైంది.దీంతో ఐసీసీ టీ20 ర్యాంకింగ్స్లో మెరుగైన స్థానంలో ఉన్న భారత జట్టు డైరెక్ట్గా సెమీఫైనల్లోకి అడుగుపెట్టింది. ఆఫ్ఘనిస్తాన్ ఇంటి బాట పట్టింది. ఇక ఈ మైదానంలో గత శుక్రవారం జరిగిన రెండు మ్యాచ్లు కూడా వర్షం కారణంగానే రద్దయ్యాయి.అయితే భారత్ సెమీ ఫైనల్లో శ్రీలంక లేదా నేపాల్లతో తలపడనుంది. ఇక ఇదిలా ఉంటే పాకిస్థాన్ జట్టు కూడా ఒక్క బంతి కూడా ఆడకుండానే సెమీ ఫైనల్కు చేరుకుంది.
పాకిస్థాన్, హాంగ్కాంగ్ మధ్య సోమవారం జరగాల్సిన క్వార్టర్ ఫైనల్ మ్యాచ్కు భారీ వర్షం అంతరాయం కలిగించింది. ఎడతెరిపి లేకుండా వర్షం కురవడంతో కనీసం టాస్ కూడా సాధ్యపడలేదు. దీంతో మ్యాచ్ను రద్దు చేయాల్సి వచ్చింది. నిషీన్లోని కోరోగి స్పోర్ట్స్ పార్క్లో ఈ క్వార్టర్ ఫైనల్ జరగాల్సి ఉంది. అయితే మ్యాచ్ ప్రారంభానికి ముందే వర్షం తీవ్రంగా పడటంతో మైదానం ఆటకు అనుకూలంగా లేకుండా పోయింది. వర్షం తగ్గే పరిస్థితి కనిపించకపోవడంతో అంపైర్లు, మ్యాచ్ అధికారులు చివరకు మ్యాచ్ను రద్దు చేస్తున్నట్లు ప్రకటించారు.క్వార్టర్ ఫైనల్ మ్యాచ్ రద్దు కావడంతో మెరుగైన సీడింగ్ ఉన్న పాకిస్థాన్కు సెమీ ఫైనల్ బెర్త్ దక్కింది. దీంతో హాంగ్కాంగ్ జట్టుకు మైదానంలో పోరాడే అవకాశం కూడా లేకుండానే టోర్నీ నుంచి నిష్క్రమించాల్సి వచ్చింది.
ఐసీసీ టీ20 ర్యాంకింగ్స్లో పాకిస్థాన్ మెరుగైన స్థానంలో ఉండటంతో టోర్నీ నిబంధనల ప్రకారం ఆ జట్టుకే సెమీస్కు అర్హత లభించింది.సాహిబ్జాదా ఫర్హాన్ నాయకత్వంలోని పాకిస్థాన్ జట్టు ఈ ఆసియా క్రీడల్లో బలమైన జట్లలో ఒకటిగా బరిలోకి దిగింది. టోర్నీ ఆరంభానికి ముందే ఫేవరెట్ జట్లలో ఒకటిగా పరిగణించబడిన పాకిస్థాన్.. ఇప్పుడు ఒక్క మ్యాచ్ ఆడకుండానే నాకౌట్ దశలో మరో ముందడుగు వేసింది. తదుపరి సెమీ ఫైనల్లో బంగ్లాదేశ్, మలేషియా మధ్య జరిగే క్వార్టర్ ఫైనల్ విజేతతో పాకిస్థాన్ తలపడనుంది. ఇక ఈ టోర్నీ ఫార్మాట్లో టాప్ సీడింగ్ పొందిన భారత్, శ్రీలంక, పాకిస్థాన్, బంగ్లాదేశ్ జట్లకు నేరుగా క్వార్టర్ ఫైనల్లో ప్రవేశం లభించింది. మిగిలిన జట్లు గ్రూప్ దశలో పోటీపడి నాకౌట్ దశకు చేరుకున్నాయి. గతంలో ఆసియా క్రీడల్లో ఇలాంటి పరిస్థితి చోటుచేసుకుంది. గత ఏడాది హాంగ్జౌలో జరిగిన ఆసియా క్రీడల ఫైనల్ మ్యాచ్ వర్షం కారణంగా రద్దయింది. మెరుగైన సీడింగ్ ఆధారంగా భారత్కు స్వర్ణ పతకం దక్కింది. ఇప్పుడు మరోసారి వర్షం కారణంగా నాకౌట్ మ్యాచ్ల ఫలితాలు ప్రభావితమవుతుండటం చర్చనీయాంశంగా మారింది.
