విజయ్ దేవరకొండ, అనన్య పాండే ప్రధాన పాత్రలలో పూరీ జగన్నాథ్ తెరకెక్కిస్తున్న చిత్రం లైగర్. భారీ బడ్జెట్తో అత్యంత ప్రతిష్టాత్మకంగా రూపొందుతున్న ఈ చిత్రంలో బాక్సింగ్ లెజెండ్ మైక్ టైసన్ ముఖ్య పాత్ర పోషిస్తున్నారు. ఓ కీలక పాత్ర కోసం మైక్ టైసన్ని సంప్రదించి ఒప్పించింది చిత్రబృందం. తాజాగా యూఎస్ షెడ్యూల్లో భాగంగా చిత్ర బృందంలో మైక్టైసన్ వచ్చి చేరారు.
ఈ సందర్భంగా టైసన్తో దిగిన ఫొటోలను పంచుకున్నారు చిత్ర బృందం. విజయ్ దేవరకొండతో పాటు పూరీ జగన్నాథ్, అనన్య పాండే, ఛార్మిలతో మైక్ టైసన్ చిల్ అవుతున్నారు. అంతకముందు విజయ్.. మైక్ టైసన్తో దిగిన ఫొటో షేర్ చేస్తూ.. మైక్ అంటే ప్రేమకు నిర్వచనం. ఆయనతో ఉన్న ప్రతీ క్షణం గుర్తుండిపోయేలా చేసుకుంటున్నా. అందులో ఇది ఎప్పటికీ ప్రత్యేకంగా ఉంటుంది. లైగర్ వర్సెస్ లెజెండ్ మొదలైంది అంటూ ఓ ట్వీట్ చేసిన విషయం తెలిసిందే.
తెలుగుతోపాటు హిందీ, తమిళ, కన్నడ, మలయాళ భాషల్లో రూపొందుతున్న ‘లైగర్’లో విజయ్ సరసన అనన్యపాండే కథానాయికగా నటిస్తున్న విషయం తెలిసిందే.ఇందులో విజయ్ డాన్ కొడుకుగా కనిపిస్తాడట. తండ్రి కొడుకుల మధ్య పోరు రసవత్తరంగా సాగనుందని తెలుస్తోంది. మెలోడి కింగ్ మణిశర్మ ఈ సినిమాకు సంగీతాన్ని అందించనున్నారు.