Kuberaa Vs Squid Game | ‘కుబేర’ సినిమా vs ‘స్క్విడ్ గేమ్’.. రెండు క‌థ‌లు ఇంచు మించు ఒకేలా ఉన్నాయిగా..!

Kuberaa Vs Squid Game | గత నెలలో థియేటర్లలో విడుదలై పెద్ద‌ విజయం సాధించిన చిత్రం ‘కుబేర’. శేఖర్ కమ్ముల తన రెగ్యులర్ శైలికి భిన్నంగా ఈ చిత్రాన్ని తెరకెక్కించి ప్రేక్షకుల ఆదరాభిమానాలు పొందారు.

Kuberaa Vs Squid Game | గత నెలలో థియేటర్లలో విడుదలై పెద్ద‌ విజయం సాధించిన చిత్రం ‘కుబేర’. శేఖర్ కమ్ముల తన రెగ్యులర్ శైలికి భిన్నంగా ఈ చిత్రాన్ని తెరకెక్కించి ప్రేక్షకుల ఆదరాభిమానాలు పొందారు. ధనుష్, నాగార్జున, రష్మిక వంటి ప్రముఖ నటుల నటనకు మంచి ప్రశంసలు లభించడంతో పాటు ఈ చిత్రం టాలీవుడ్ హయ్యెస్ట్ గ్రాసర్స్ లో ఒకటిగా నిలిచింది. అయితే తాజాగా ఈ సినిమా ప్రపంచవ్యాప్తంగా సెన్సేషన్ సృష్టించిన ‘స్క్విడ్ గేమ్’ వెబ్ సిరీస్ మాదిరిగానే ఉంద‌ని కామెంట్స్ వినిపిస్తున్నాయి. రెండు కథలలో ఒకే తరహా సంఘటనలు ఉండడంతో ఆడియ‌న్స్ అవాక్క‌వుతున్నారు.

‘కుబేర’ కథ చూస్తే.. ‘కుబేర’ సినిమా కథలో, బిచ్చగాడు (హీరో) అనుకోకుండా బిజినెస్ మైండ్ గేమ్ లోకి ప్రవేశిస్తాడు. అతను, తన తోటి వాళ్లతో కలిసి గేమ్‌లో పాల్గొంటాడు. అయితే, ఆ గేమ్‌లో గెలవడానికి అతని జీవితం చాలా ప్రమాదాల్లో పడుతుంది. ఆ గేమ్‌లో అతను బతకగానే బాబుతో వచ్చిన యువతిని రక్షించాలనుకుంటాడు, కానీ ఆమె గర్భవతిగా ఉండటంతో, ఈ ప్రయాణంలో ఆమె మృతి చెందుతుంది. ఆమె మరణం తర్వాత, ఆ బాబుతో జీవితాన్ని కొనసాగించాలనుకుంటాడు. చివరకు, అతనే కుబేర అవుతాడు.

‘స్క్విడ్ గేమ్’ కథ చూస్తే..ఇందులో పేద పిల్లలతో పాటు మరికొంత మంది మిలియన్ల డాలర్లు గెలిచే గేమ్‌లో పాల్గొంటారు. గేమ్‌లో గెలిచిన వారు మాత్రమే బతుకుతారు, ఓడిన వారు చనిపోతారు. కథలో హీరో మొదట తన మిత్రులను రక్షించాలని, గేమ్ నుండి తప్పించుకోవాలని ప్రయత్నిస్తాడు, కానీ ఆ ప్రయత్నాలు విఫలమవుతాయి. చివరకు, ఒక గర్భవతి యువతి, ఇబ్బందులు తట్టుకుంటూ, తన బిడ్డను మళ్లీ తీసుకుని జీవిస్తుంది. ఈ సీన్ కూడా ‘కుబేర’ సినిమాతో చాలా దగ్గరగా అనిపిస్తుంది.

రెండు కథలలోనూ, ప్రధాన పాత్రధారులు గేమ్‌లో పాల్గొంటారు, ఇది వారి జీవితాన్ని పూర్తిగా మార్చేస్తుంది. రెండు కథలలోనూ, గర్భవతిగా ఉన్న యువతి కథలో ముఖ్యమైన పాత్ర పోషిస్తుంది. ఈ యువతికి ‘కుబేర’ లో మరణం ఎదురవుతుంది, ‘స్క్విడ్ గేమ్’ లో కూడా అదే విధంగా చివరికి తాను మరణిస్తుంది, కానీ ఆమె బిడ్డలు కథలో కీలక పాత్ర పోషిస్తారు. ఈ రెండు కథల చివర్లో, బిడ్డ కథకు ఎంతో కీలకంగా మారుతుంది. శేఖ‌ర్ క‌మ్ముల‌ ఈ స్టోరీపై గ‌త మూడేండ్ల నుండి వ‌ర్క్ చేయ‌గా, స్క్విడ్‌ గేమ్ కూడా ఇంచుమించు అదే స‌మ‌యంలో మొద‌లైంది.