Kiara Advani | కియారా–సిద్ధార్థ్ మధ్య నిజంగానే విభేదాలా? విడాకుల ప్రచారంపై క్లారిటీ ఇదే!

Kiara Advani | బాలీవుడ్‌లో ఎంతో క్రేజ్ ఉన్న జంటల్లో కియారా అద్వానీ, సిద్ధార్థ్ మల్హోత్రా జంట కూడా ఒకటి. ప్రేమలో పడిన ఈ ఇద్దరూ ఆ తర్వాత వివాహ బంధంతో ఒక్కటయ్యారు. పెళ్లి తర్వాత కూడా వీరికి సంబంధించిన ప్రతి విషయం అభిమానుల్లో ఆసక్తిని రేకెత్తిస్తూనే ఉంది. అయితే తాజాగా ఈ జంట గురించి సోషల్ మీడియాలో కొన్ని వార్తలు వైరల్ అవుతుండటం చర్చనీయాంశంగా మారింది.

Kiara Advani | బాలీవుడ్‌లో ఎంతో క్రేజ్ ఉన్న జంటల్లో కియారా అద్వానీ, సిద్ధార్థ్ మల్హోత్రా జంట కూడా ఒకటి. ప్రేమలో పడిన ఈ ఇద్దరూ ఆ తర్వాత వివాహ బంధంతో ఒక్కటయ్యారు. పెళ్లి తర్వాత కూడా వీరికి సంబంధించిన ప్రతి విషయం అభిమానుల్లో ఆసక్తిని రేకెత్తిస్తూనే ఉంది. అయితే తాజాగా ఈ జంట గురించి సోషల్ మీడియాలో కొన్ని వార్తలు వైరల్ అవుతుండటం చర్చనీయాంశంగా మారింది. కియారా, సిద్ధార్థ్ మధ్య కొంతకాలంగా విభేదాలు వచ్చాయని, ఇద్దరి మధ్య దూరం పెరిగిందని, చివరకు విడాకుల దిశగా వెళ్తున్నారంటూ కొన్ని కథనాలు సోషల్ మీడియాలో చక్కర్లు కొడుతున్నాయి. ముఖ్యంగా కియారా నటించిన ‘టాక్సిక్’ సినిమా కారణంగానే వీరి మధ్య గొడవలు మొదలయ్యాయనే ప్రచారం జరుగుతోంది. దీంతో అసలు ఈ వార్తల్లో ఎంత నిజం ఉందనే చర్చ మొదలైంది.

కియారా అద్వానీ నటించిన ‘టాక్సిక్’ సినిమాలోని కొన్ని సన్నివేశాలపై గతంలో సామాజిక మాధ్యమాల్లో చర్చ జరిగింది. ఈ నేపథ్యంలోనే ఆమె వైవాహిక జీవితంలోనూ ఇబ్బందులు మొదలయ్యాయని, సిద్ధార్థ్‌తో విభేదాలు తలెత్తాయని కొందరు ప్రచారం చేస్తున్నారు. అయితే సినిమా కోసం నటీనటులు పోషించే పాత్రలను, తెరపై కనిపించే సన్నివేశాలను వారి వ్యక్తిగత జీవితంతో ముడిపెట్టడం ఎంతవరకు సమంజసం అనే ప్రశ్నలు కూడా వస్తున్నాయి. ప్రస్తుతం కియారా, సిద్ధార్థ్ మధ్య గొడవలకు ‘టాక్సిక్’ సినిమానే కారణమని నిర్ధారించ‌డానికి ఎలాంటి అధికారిక సమాచారం లేదు.

కియారా అద్వానీ, సిద్ధార్థ్ మల్హోత్రా విడాకులు తీసుకోబోతున్నారనే ప్రచారానికి ఇప్పటివరకు ఎలాంటి అధికారిక ధృవీకరణ లేదు. అంతేకాదు.. సిద్ధార్థ్ విడాకుల కోసం న్యాయస్థానాన్ని ఆశ్రయించారనే ప్రచారానికి కూడా సరైన ఆధారాలు బయటకు రాలేదు.ఇద్దరూ తమ వైవాహిక బంధంపై అధికారికంగా ఎలాంటి ప్రకటన చేయకపోవడంతో.. ప్రస్తుతం సోషల్ మీడియాలో వైరల్ అవుతున్న వార్తలను కేవలం ఊహాగానాలు, పుకార్లుగానే చూడాల్సి ఉంటుంది. బాలీవుడ్ సెలబ్రిటీల వ్యక్తిగత జీవితాలకు సంబంధించిన వార్తలు సోషల్ మీడియాలో తరచూ వైరల్ అవుతుంటాయి. ముఖ్యంగా ప్రముఖ జంటల విషయంలో చిన్న విషయాలు కూడా పెద్ద చర్చకు దారితీస్తుంటాయి. కొన్నిసార్లు ఒక ఫొటో, ఒక కార్యక్రమానికి హాజరు కాకపోవడం లేదా సోషల్ మీడియాలో పోస్టుల మధ్య గ్యాప్‌ను కూడా విడాకుల వార్తలకు కారణంగా చూపిస్తుంటారు.అందుకే కియారా–సిద్ధార్థ్ విషయంలోనూ అధికారిక సమాచారం వచ్చే వరకు ఎలాంటి నిర్ణయానికి రావడం సరికాదనే అభిప్రాయం వ్యక్తమవుతోంది.