వాటిని చూసి షాకయ్యా

‘సాంకేతికత సమాజానికి ఎంత మంచి చేస్తుందో అంత చెడు కూడా చేస్తుంది. మనసుల్లో మలినం పేరుకుపోయిన మనుషుల చేతికి సాంకేతిక వస్తే అది సమాజానికే ప్రమాదం.’ అంటూ ఆవేదన వ్యక్తం చేశారు ‘మహానటి’ కీర్తిసురేశ్‌. ఆమె తాజా సినిమా ‘రివాల్వర్‌ రీటా’ ఈ నెల 28న విడుదల కానుంది.

‘సాంకేతికత సమాజానికి ఎంత మంచి చేస్తుందో అంత చెడు కూడా చేస్తుంది. మనసుల్లో మలినం పేరుకుపోయిన మనుషుల చేతికి సాంకేతిక వస్తే అది సమాజానికే ప్రమాదం.’ అంటూ ఆవేదన వ్యక్తం చేశారు ‘మహానటి’ కీర్తిసురేశ్‌. ఆమె తాజా సినిమా ‘రివాల్వర్‌ రీటా’ ఈ నెల 28న విడుదల కానుంది. ఈ సందర్భంగా సినిమా ప్రమోషన్స్‌లో పాల్గొన్న ఆమె తన వ్యక్తిగత జీవితంపై టెక్నాలజీ ఎలాంటి చెడు ప్రభావం చూపించిందో వెల్లడించారు.

‘ఏఐ చేసిన డీప్‌ ఫేక్‌ ఫొటోలకు బలైన సినీ సెలబ్రిటీలలో నేనూ ఒకదాన్ని. ఈ టెక్నాలజీని ఉపయోగించి నేను ధరించిన డ్రెస్‌ని మార్చేశారు. నేను అసభ్యకరమైన పోజులిచ్చినట్టు క్రియేట్‌ చేశారు. చూడ్డానికే అసహ్యంగా ఉన్న ఆ ఫొటోలను చూసి షాకయ్యాను. నేను వివాహితను. ఒకరి ఇల్లాలిని. అలాంటి నాపై ఇలాంటి ప్రయోగాలు చేయడం నన్ను మరింత బాధించింది.’ అంటూ వాపోయారు కీర్తి సురేశ్‌.