సామాజిక సందేశంతో కంచర్ల

కంచర్ల ఉపేంద్ర హీరోగా నటిస్తున్న తాజా చిత్రం ‘కంచర్ల’. రెడ్డెం యాదవ్‌ కుమార్‌ దర్శకుడు. మీనాక్షి జైస్వాల్‌, ప్రణీత కథానాయికలు.

కంచర్ల ఉపేంద్ర హీరోగా నటిస్తున్న తాజా చిత్రం ‘కంచర్ల’. రెడ్డెం యాదవ్‌ కుమార్‌ దర్శకుడు. మీనాక్షి జైస్వాల్‌, ప్రణీత కథానాయికలు. ఎస్‌ఎస్‌ఎల్‌ఎస్‌ పతాకంపై కంచర్ల అచ్యుత రావు నిర్మిస్తున్నారు. త్వరలో విడుదలకు సిద్ధమవుతున్నది. ఈ సందర్భంగా నిర్మాత మాట్లాడుతూ ‘సమసమాజం రావాలనే కాన్సెప్ట్‌తో అభ్యుదయ భావాలతో ఈ చిత్రాన్ని తెరకెక్కిస్తున్నాం.

యువత రాజకీయాల్లోకి రావాలనే సందేశం ఉంటుంది. ప్రస్తుతం పాటలను చిత్రీకరిస్తున్నాం’ అన్నారు. యువతలో సామాజిక స్పృహను పెంపొందించే చిత్రమిదని దర్శకుడు తెలిపారు. సుమన్‌, అజయ్‌ఘోష్‌, కాశీ విశ్వనాథ్‌, సుధ, రాజా రవీంద్ర తదితరులు నటిస్తున్న ఈ చిత్రానికి కెమెరా: గుణశేఖర్‌, సంగీతం: కుంచె రఘు, దర్శకత్వం: రెడ్డెం యాదవ్‌ కుమార్‌.