Kamal Haasan | ఆ విషయంలో స్ట్రగుల్‌ పడ్డాను.. అలాంటి పాత్ర చేస్తే అదో ఆత్మసంతృప్తి: కమల్‌హాసన్‌

తెరపై కమల్‌హాసన్‌ పోషించని పాత్ర, పండించని ఉద్వేగం లేదంటే అతిశయోక్తికాదు. దాంతో ఆయనకు కొత్త పాత్రలు రాయడం దర్శకులకు సవాలుగా మారింది.

Kamal Haasan | తెరపై కమల్‌హాసన్‌ పోషించని పాత్ర, పండించని ఉద్వేగం లేదంటే అతిశయోక్తికాదు. దాంతో ఆయనకు కొత్త పాత్రలు రాయడం దర్శకులకు సవాలుగా మారింది. అందుకే ఆచితూచి పాత్రలను ఎంచుకుంటూ ముందుకెళ్తున్నారు కమల్‌. ప్రస్తుతం ఆయన చేస్తున్న సినిమాల గురించి, అందులోని తన పాత్రల గురించీ ఓ ఆంగ్ల పత్రికకు ఇచ్చిన ఇంటర్‌వ్యూలో ఆసక్తికరంగా మాట్లాడారు కమల్‌.

‘ఏపాత్ర పడితే ఆ పాత్ర చేయలేం. నటించడానికి అవకాశం ఉన్న పాత్ర చేస్తే అదో ఆత్మసంతృప్తి. కొన్నేళ్లు ఈ విషయంలోనే స్ట్రగుల్‌ పడ్డాను. ప్రస్తుతం చేస్తున్న పాత్రలన్నీ గొప్పవే. ‘ఇండియన్‌ 2’, ‘ఇండియన్‌ 3’ రెండు సినిమాల షూటింగ్‌లూ పూర్తయ్యాయి.

కేరక్టరైజేషన్‌ పాతదే అయినా, సినిమాలో కొత్తదనం ఉంటుంది. ‘ఇండియన్‌ 2’ విడుదలయ్యాక, ‘ఇండియన్‌ 3’ పోస్ట్‌ప్రొడక్షన్‌ వర్క్‌లో పాల్గొంటా. ఇక మణిరత్నంతో చేస్తున్న ‘థగ్‌లైఫ్‌’ షూటింగ్‌ ఎన్నికల హడావిడి అయిపోయాక మొదలుపెడతాం. ‘కల్కి 2989’లో నాది విలన్‌ పాత్ర. నన్నందులో కొత్తగా చూస్తారు. ఇందులోని నా భాగం షూటింగ్‌ పూర్తిచేశాను.’ అంటూ చెప్పుకొచ్చారు కమల్‌హాసన్‌. వీటితోపాటు శ్రుతిహాసన్‌, దర్శకుడు లోకేశ్‌ కనకరాజ్‌ కలిసి నటించిన స్పెషల్‌ సాంగ్‌ ‘ఇనిమేల్‌’కు కూడా కమల్‌ వర్క్‌ చేశారు. ఆ పాట రాసింది కమల్‌హాసనే. సోమవారం ఈ పాట విడుదలైంది.