KP Choudary | కొకైన్ విక్ర‌యిస్తూ ప‌ట్టుబ‌డ్డ ‘క‌బాలి’ చిత్ర నిర్మాత కేపీ చౌద‌రి

KP Choudary | హైద‌రాబాద్ : క‌బాలి చిత్ర నిర్మాత కేపీ చౌద‌రిని హైద‌రాబాద్ పోలీసులు అరెస్టు చేశారు. కేపీ చౌద‌రి నుంచి భారీగా కొకైన్ స్వాధీనం చేసుకున్నారు. నిన్న రాత్రి కొకైన్ విక్ర‌యిస్తుండగా అత‌న్ని పోలీసులు అదుపులోకి తీసుకున్నారు. కేపీ చౌద‌రి నుంచి 82.75 గ్రాముల కొకైన్‌, రూ. 2.05 ల‌క్ష‌ల న‌గ‌దు, నాలుగు మొబైల్స్, ఒక కారును స్వాధీనం చేసుకున్న‌ట్లు పోలీసులు తెలిపారు.

KP Choudary | హైద‌రాబాద్ : క‌బాలి చిత్ర నిర్మాత కేపీ చౌద‌రిని హైద‌రాబాద్ పోలీసులు అరెస్టు చేశారు. కేపీ చౌద‌రి నుంచి భారీగా కొకైన్ స్వాధీనం చేసుకున్నారు. నిన్న రాత్రి కొకైన్ విక్ర‌యిస్తుండగా అత‌న్ని పోలీసులు అదుపులోకి తీసుకున్నారు. కేపీ చౌద‌రి నుంచి 82.75 గ్రాముల కొకైన్‌, రూ. 2.05 ల‌క్ష‌ల న‌గ‌దు, నాలుగు మొబైల్స్, ఒక కారును స్వాధీనం చేసుకున్న‌ట్లు పోలీసులు తెలిపారు.

ఖ‌మ్మం జిల్లాకు చెందిన కేపీ చౌద‌రి బీటెక్ చ‌దివి, ప‌లు ప్రాంతాల్లో ఉద్యోగాలు చేశారు. 2016లో సినిమా రంగంలోకి వ‌చ్చారు. క‌బాలి సినిమాకు తెలుగు నిర్మాత‌గా వ్య‌వ‌హ‌రించారు. ప‌లు తెలుగు, త‌మిళ సినిమాల‌కు డిస్ట్రిబ్యూట‌ర్‌గా ప‌ని చేశారు. వ్య‌వ‌హ‌రించారు. స‌ర్దార్ గ‌బ్బ‌ర్ సింగ్, అర్జున్ సుర‌వ‌రం, సీత‌మ్మ వాకిట్లో సిరిమ‌ల్లె చెట్టు సినిమాల‌కు డిస్ట్రిబ్యూట‌ర్‌గా వ్య‌వ‌హ‌రించారు.

అయితే సినీ రంగంలో న‌ష్టాలు రావ‌డంతో.. డ్ర‌గ్స్ బిజినెస్‌లోకి దిగారు. గోవాలో ఓహెచ్ఎం ప‌బ్‌ను ప్రారంభించారు. సెల‌బ్రెటీల‌కు గోవాలో డ్ర‌గ్స్ స‌ర‌ఫ‌రా చేశారు. ప‌బ్‌లో న‌ష్టాలు రావ‌డంతో హైద‌రాబాద్‌కు తిరిగి వ‌చ్చారు. గోవా నుంచి వ‌స్తూ 100 ప్యాకెట్ల కొకైన్ తీసుకొచ్చారు. గోవా నుంచి తెచ్చిన వాటిలో కొన్నింటిని వినియోగించారు. మిగిలిన వాటిని నిన్న రాత్రి కిస్మ‌త్‌పూర్ వ‌ద్ద విక్రయిస్తుండ‌గా పోలీసులు ప‌ట్టుకున్నారు. కేపీ చౌద‌రి వెంట ఉన్న నైజీరియ‌న్ ప‌రారీ అయ్యాడు. ప‌రారీలో ఉన్న నైజీరియ‌న్‌పై గ‌తంలో రాయ‌దుర్గం పోలీసు స్టేష‌న్‌లో కేసు న‌మోదైంది అని పోలీసులు తెలిపారు.