Jio Cinema Premium | భారతీయులు అమితంగా ఇష్టపడే వాటిలో సినిమాలు ఒకటి. వారం వచ్చిందంటే చాలు కొత్త సినిమాలు ఏవేవి రిలీజవుతున్నాయా అని అటు థియేటర్తో పాటు ఇటు ఓటీటీలో ఎదురు చూస్తుంటారు. సినిమా టాక్ బాగుంటే.. భాషతో సంబంధం లేకుండా చూసేస్తుంటారు. అయితే ఈ సమ్మర్లో ఎండ వేడిని తగ్గించడానికి ప్రముఖ ఓటీటీ ప్లాట్ఫామ్ జియో సినిమా ఓటీటీ ప్రేక్షకులకు బంపర్ ఆఫర్ ప్రకటించింది.
జియో సినిమా తన కొత్త సబ్స్క్రిప్షన్ ఆఫర్ జియో సినిమా ప్రీమియమ్ను (JioCinema Premium) ప్రకటించింది. కేవలం రూ.29 లతో నెల మొత్తం వీక్షించేలా ఆఫర్ను తీసుకువచ్చింది. అయితే ఈ ఆఫర్ ఒక్క డివైస్కు మాత్రమే వర్తిస్తుంది. 4 డివైస్లు కావలంటే రూ.89 ప్లాన్ చేసుకోవాల్సి ఉంటుంది.