Jhund OTT Date | ఓటీటీలోకి అమితాబ్ లేటెస్ట్ హిట్ ‘జుండ్’.. స్ట్రీమింగ్ ఎప్పుడంటే?

Jhund OTT Release Date | విల‌క్ష‌ణ న‌టుడు బిగ్‌బీ ఎనిమిది ప‌దుల వ‌య‌సులోనూ ఏడాదికి మూడు నాలుగు సినిమాల‌లో న‌టిస్తూ యువ న‌టీన‌టుల‌కు గ‌ట్టి పోటీ ఇస్తున్నాడు. లేటెస్ట్‌గా ఈయ‌న న‌టించిన చిత్రం ‘జుండ్‌’. స్పోర్ట్స్ డ్రామా నేప‌థ్యంలో తెర‌కెక్కిన ఈ చిత్రానికి సైరాట్ ఫేం నాగ్‌రాజ్ మంజులే ద‌ర్శ‌క‌త్వం వ‌హించాడు. నాగ్‌పూర్‌కు చెందిన ప్ర‌ముఖ ఫుట్‌బాల్ కోచ్ విజ‌య్ బ‌ర్సే జీవిత క‌థ ఆధారంగా ఈ చిత్రం తెర‌కెక్కింది. అమితాబ్, విజ‌య్ బ‌ర్సే పాత్ర‌లో జీవించేశాడు. మార్చి 4న విడుద‌లై ఈ చిత్రం క్రిటిక్స్ నుంచి గొప్ప ప్ర‌శంస‌లు అందుకుంది. తాజాగా ఈ చిత్రం ఓటీటీ విడుద‌ల‌కు సిద్ధమైంది.

ఈ చిత్రాన్ని జీ సంస్థ డిజిట‌ల్, శాటిలైట్‌ హ‌క్కుల‌ను కొనుగోలు చేసింది. మే 6 నుంచి ‘జీ-5’లో డిజిట‌ల్ స్ట్రీమింగ్ కానున్న‌ట్లు తాజాగా అధికారికంగా ప్ర‌క‌ట‌న వ‌చ్చింది. అంకుశ్ గెడం, ఆకాశ్ తోషార్‌, రింకు రాజ్‌గురు ప్ర‌ధాన పాత్ర‌ల్లో న‌టించిన ఈ చిత్రాన్నిటి సీర‌స్ సంస్థ నిర్మించింది. ఫుట్‌బాల్ కోచ్‌గా రిటైర‌వుతున్న స‌మ‌యంలో అమితాబ్ స్ల‌మ్‌లో ప్లాస్టిక్ బాల్‌తో ఫుట్‌బాల్ ఆడుతున్న పిల్ల‌ల్ని చూసి వీళ్ళ‌కి ఎలాగైనా ఆట నేర్పించి నేష‌న‌ల్స్‌కు తీసుకెళ్ళాల‌ని భావిస్తాడు. ఈ చిత్రంలో న‌టించిన పిల్ల‌లంద‌రూ స్ల‌మ్‌లో ఉండేవారే అవటం విశేషం.

Read also:

RRR Movie OTT Date | ఓటీటీ విడుద‌ల‌కు సిద్ధ‌మైన ‘ఆర్ఆర్ఆర్’.. స్ట్రీమింగ్ ఎప్పుడంటే?

Dosti video song | ‘ఆర్ఆర్ఆర్’ నుంచి ‘దోస్తీ’ వీడియో సాంగ్ విడుద‌ల‌

Mahesh Babu | ‘ఆచార్య’ చిత్రం కోసం ఆ ప‌ని చేయ‌నున్న మ‌హేష్‌బాబు?

Hombale Films | సూర్య ద‌ర్శ‌కురాలితో ‘కేజీఎఫ్-2’ నిర్మాణ సంస్థ నెక్ట్స్ సినిమా