బాణామతి నేపథ్యంలో..

జేడీ చక్రవర్తి ప్రధాన పాత్రలో నిజ జీవిత సంఘటనల ఆధారంగా రూపొందించబోతున్న చిత్రానికి ‘చేతబడి’ అనే టైటిల్‌ను ఖరారు చేశారు.

జేడీ చక్రవర్తి ప్రధాన పాత్రలో నిజ జీవిత సంఘటనల ఆధారంగా రూపొందించబోతున్న చిత్రానికి ‘చేతబడి’ అనే టైటిల్‌ను ఖరారు చేశారు. సూర్యాస్‌ దర్శకత్వం వహిస్తున్న ఈ చిత్రానికి మహేంద్రనాథ్‌ కూండ్ల నిర్మాత. వచ్చే నెల నుంచి రెగ్యులర్‌ షూటింగ్‌ మొదలుకానుంది.

హారర్‌, మర్డర్‌, మిస్టరీ ఎలిమెంట్స్‌తో బాణామతి నేపథ్యంలో తెరకెక్కనున్న ఈ చిత్రంలో జేడీ చక్రవర్తి పాత్ర హీరోగా, విలన్‌గా భిన్న కోణాల్లో సాగుతుందని మేకర్స్‌ తెలిపారు. ఈ చిత్రానికి కెమెరా: మిర్లాన్‌ నజీర్‌, సంగీతం: అచ్చు రాజమణి, కథ, దర్శకత్వం: సూర్యాస్‌.