Visit:
Janhvi Kapoor |బాలీవుడ్ అందాల తార, దివంగత నటి శ్రీదేవి కుమార్తెగా ఇండస్ట్రీలోకి అడుగుపెట్టిన జాన్వీ కపూర్ ఇప్పుడు తనదైన స్టైల్తో దేశవ్యాప్తంగా గుర్తింపు తెచ్చుకుంటోంది. బాలీవుడ్లో మాత్రమే కాకుండా సౌత్ ఇండస్ట్రీలో కూడా అవకాశాలు అందుకుంటూ తన క్రేజ్ను విస్తరించుకుంటున్న ఈ యంగ్ బ్యూటీ, తాజాగా ఫ్యాషన్ ఈవెంట్లో తన లుక్తో అందరి దృష్టిని ఆకర్షించింది. రీసెంట్గా జరిగిన ఫెంటీ ఈవెంట్లో జాన్వీ కపూర్ మైక్రో మినీ డ్రెస్సులో దర్శనమిచ్చి గ్లామర్ షో చేసింది. బోల్డ్ డ్రెస్సింగ్ స్టైల్తో ప్రేక్షకులను ఫిదా చేస్తూ, తన ఫ్యాషన్ సెన్స్కు మరోసారి ముద్ర వేసింది.
మెత్తటి కౌల్ నెక్ లైన్తో కూడిన హాఫ్ షోల్డర్ డ్రేప్డ్ వైట్ టాప్ను ధరించిన ఆమె, సిల్హౌట్తో మోడర్న్ శిల్పకళాత్మక లుక్ను అందించింది. శాటిన్ తరహా ఫ్యాబ్రిక్తో రూపొందిన ఈ ఔట్ఫిట్ ఆమెకు లగ్జరీ ఫీల్ను తీసుకువచ్చింది. ఫ్యాషన్ పరంగా ఎప్పటికప్పుడు కొత్త ట్రెండ్స్ను ఫాలో అవుతూ, తన స్టైల్తో ప్రత్యేక గుర్తింపు సంపాదించుకున్న జాన్వీ… ఈ ఈవెంట్లో కేవలం డ్రెస్సింగ్ మాత్రమే కాదు, తన సింపుల్ వాక్తో కూడా ఆకట్టుకుంది. మొత్తం మీద ఆమె లేటెస్ట్ లుక్ సోషల్ మీడియాలో వైరల్ అవుతూ, ఫ్యాన్స్ నుంచి భారీ స్పందన అందుకుంటోంది.
కెరీర్ విషయానికి వస్తే, 2018లో ‘ధడక్’ సినిమాతో సినీ రంగంలోకి అడుగుపెట్టిన జాన్వీ, తర్వాత ‘ఘోస్ట్ స్టోరీస్’ వంటి చిత్రాలతో ప్రేక్షకులను మెప్పించింది. 2024 వరకు బాలీవుడ్కే పరిమితమైన ఈమె, తర్వాత సౌత్ సినిమాలపై దృష్టి సారించింది. తన తల్లి కోరిక మేరకు టాలీవుడ్ ఎంట్రీ ఇచ్చిన జాన్వీ, జూనియర్ ఎన్టీఆర్ సరసన దేవర: పార్ట్ 1 సినిమాలో నటించి పల్లెటూరి అమ్మాయి పాత్రలో ఆకట్టుకుంది. ఆ తర్వాత కూడా వరుసగా పలు ప్రాజెక్ట్లతో బిజీగా మారింది. ప్రస్తుతం రామ్ చరణ్ హీరోగా తెరకెక్కుతున్న పెద్ది చిత్రంలో జాన్వీ హీరోయిన్గా నటిస్తోంది. ఇందులో ‘అచ్చియమ్మ’ అనే పాత్రలో కనిపించబోతున్న ఆమె, ఈ సినిమాతో టాలీవుడ్లో మరింత స్థిరపడాలని చూస్తోంది. జూన్లో విడుదలకు సిద్ధమవుతున్న ఈ చిత్రం జాన్వీ కెరీర్కు కీలకంగా మారనుంది.
View this post on Instagram
