Jailer 2 | రూ.800 కోట్ల క్లబ్లోకి ‘జైలర్ 2’.. కోలీవుడ్లో సరికొత్త చరిత్ర సృష్టించిన రజనీకాంత్!
Jailer 2 | సూపర్స్టార్ రజనీకాంత్ బాక్సాఫీస్ వద్ద మరోసారి తన సత్తా చాటారు. నెల్సన్ దిలీప్కుమార్ దర్శకత్వంలో తెరకెక్కిన భారీ యాక్షన్ చిత్రం ‘జైలర్ 2’ ప్రపంచవ్యాప్తంగా భారీ వసూళ్లతో దూసుకెళ్తోంది. విడుదలైన 18 రోజుల్లోనే ఈ సినిమా రూ.800 కోట్ల మార్కును దాటినట్లు ట్రేడ్ లెక్కలు వెల్లడిస్తున్నాయి.
Jailer 2 | సూపర్స్టార్ రజనీకాంత్ బాక్సాఫీస్ వద్ద మరోసారి తన సత్తా చాటారు. నెల్సన్ దిలీప్కుమార్ దర్శకత్వంలో తెరకెక్కిన భారీ యాక్షన్ చిత్రం ‘జైలర్ 2’ ప్రపంచవ్యాప్తంగా భారీ వసూళ్లతో దూసుకెళ్తోంది. విడుదలైన 18 రోజుల్లోనే ఈ సినిమా రూ.800 కోట్ల మార్కును దాటినట్లు ట్రేడ్ లెక్కలు వెల్లడిస్తున్నాయి. దీంతో ఈ మైలురాయిని అందుకున్న తొలి తమిళ చిత్రంగా ‘జైలర్ 2’ నిలిచినట్లు ప్రచారం జరుగుతోంది. 75 ఏళ్ల వయసులోనూ రజనీకాంత్కు ఉన్న క్రేజ్ ఏ మాత్రం తగ్గలేదని ఈ వసూళ్లు మరోసారి నిరూపిస్తున్నాయి. మూడో వారాంతంలోనూ ‘జైలర్ 2’ వసూళ్ల జోరు కొనసాగింది. నవంబర్ 1 ఆదివారం 18వ రోజు దేశవ్యాప్తంగా సుమారు 8,906 ప్రదర్శనల ద్వారా రూ.11.20 కోట్ల నికర వసూళ్లు సాధించినట్లు ట్రేడ్ నివేదికలు వెల్లడించాయి. అంతకుముందు శనివారం వచ్చిన రూ.9.70 కోట్లతో పోలిస్తే ఆదివారం వసూళ్లు దాదాపు 15.5 శాతం పెరిగాయి.
దీంతో భారతదేశంలో ఈ సినిమా మొత్తం నికర వసూళ్లు రూ.456.30 కోట్లకు చేరగా, దేశీయంగా రూ.533.75 కోట్ల గ్రాస్ నమోదైంది. ప్రపంచవ్యాప్తంగా మొత్తం గ్రాస్ వసూళ్లు రూ.807.25 కోట్లకు చేరినట్లు అంచనా. ఆదివారం ఒక్కరోజే తమిళ వెర్షన్ నుంచి సుమారు రూ.8 కోట్లు వచ్చాయి. హిందీ వెర్షన్ రూ.1.75 కోట్లు, తెలుగు వెర్షన్ దాదాపు రూ.1 కోటి వసూలు చేసినట్లు నివేదికలు పేర్కొంటున్నాయి. తమిళనాడులో మధ్యాహ్నం, సాయంత్రం ప్రదర్శనలకు 42 నుంచి 45 శాతం వరకు ప్రేక్షకుల ఆక్యుపెన్సీ నమోదైంది.
భారతీయ బాక్సాఫీస్లో అత్యధిక వసూళ్లు సాధించిన చిత్రాల జాబితాలో ‘జైలర్ 2’ 16వ స్థానానికి చేరినట్లు ట్రేడ్ లెక్కలు చెబుతున్నాయి. ఈ క్రమంలో ‘2.0’, ‘బాహుబలి: ది బిగినింగ్’, ‘సలార్: పార్ట్ 1’, ‘దంగల్’, ‘అవతార్: ది వే ఆఫ్ వాటర్’ వంటి చిత్రాల దేశీయ వసూళ్లను అధిగమించినట్లు సమాచారం.
2026లో విడుదలైన భారతీయ చిత్రాల్లో ‘ధురంధర్: ది రివెంజ్’ తర్వాత అత్యధిక వసూళ్లు సాధించిన రెండో చిత్రంగా కూడా ‘జైలర్ 2’ నిలిచినట్లు ట్రేడ్ వర్గాలు చెబుతున్నాయి. ‘జైలర్ 2’ విడుదలైన సమయంలో ఈ సినిమా ప్రపంచవ్యాప్తంగా రూ.1000 కోట్ల వసూళ్లను సాధిస్తుందనే అంచనాలు భారీగా వినిపించాయి. అయితే మూడో వారం నుంచి వసూళ్ల వేగం కొంత తగ్గడంతో ఆ మైలురాయిని అందుకోవడం కష్టంగా కనిపిస్తోంది. అయినప్పటికీ రూ.800 కోట్లకు పైగా వసూళ్లు సాధించడం తమిళ చిత్ర పరిశ్రమకు గర్వకారణంగా నిలుస్తోంది. ఈ సినిమాలో రజనీకాంత్తో పాటు ఎస్.జె. సూర్య, విద్యా బాలన్, మిథున్ చక్రవర్తి, రమ్యకృష్ణ, సూరజ్ వెంజరమూడు, యోగిబాబు, నమో నారాయణ తదితరులు కీలక పాత్రల్లో నటించారు. అనిరుధ్ రవిచందర్ అందించిన సంగీతం, నేపథ్య సంగీతం సినిమాకు ప్రధాన ఆకర్షణగా నిలిచాయి.నెల్సన్ దిలీప్కుమార్ దర్శకత్వంలో రూపొందిన ఈ చిత్రాన్ని భారీ స్థాయిలో తెరకెక్కించారు. నాలుగు వారాల థియేటర్ల ప్రదర్శన పూర్తయ్యాక ఓటీటీలోకి వచ్చే అవకాశం ఉందని ప్రచారం జరుగుతోంది. అయితే డిజిటల్ విడుదల తేదీపై అధికారిక ప్రకటన వెలువడాల్సి ఉంది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

