ఆస్కార్‌ సందడి షురూ

94వ ఆస్కార్‌ అవార్డ్‌ల ఉత్సవానికి తెరలేచింది. పలు విభాగాల్లో ఈ ఏడాది నామినేషన్స్‌కు ఎంపికైన చిత్రాల వివరాల్ని మంగళవారం ఆస్కార్‌ కమిటీ ప్రకటించింది. ఉత్తమ సినిమా, ఉత్తమ నటి, ఉత్తమ నటుడు వంటి విభాగాల్లో పోటీలో నిలబోతున్న సినిమాలు

94వ ఆస్కార్‌ అవార్డ్‌ల ఉత్సవానికి తెరలేచింది. పలు విభాగాల్లో ఈ ఏడాది నామినేషన్స్‌కు ఎంపికైన చిత్రాల వివరాల్ని మంగళవారం ఆస్కార్‌ కమిటీ ప్రకటించింది. ఉత్తమ సినిమా, ఉత్తమ నటి, ఉత్తమ నటుడు వంటి విభాగాల్లో పోటీలో నిలబోతున్న సినిమాలు, నటీనటుల వివరాల్ని వెల్లడించారు. ది పవర్‌ ఆఫ్‌ డాగ్‌, వెస్ట్‌ సైడ్‌ స్టోరీ, కింగ్‌ రిచర్డ్‌, భెల్‌ఫాస్ట్‌ చిత్రాలు ఈ ఏడాది ఎక్కువ విభాగాల్లో నామినేషన్స్‌ను సొంతం చేసుకున్నాయి. మార్చి 27న అమెరికాలోని లాస్‌ ఏంజిల్స్‌లో ఆస్కార్‌ అవార్డుల ప్రదానోత్సవం జరగనుంది.

 

నిరాశపరచిన ‘జై భీమ్‌’

భారత్‌ నుంచి ఈ ఏడాది ఎన్నో ఆశలు పెట్టుకున్న ‘జైభీమ్‌’ చిత్రానికి ఈ నామినేషన్స్‌లో నిరాశే మిగిలింది. సూర్య హీరోగా సామాజిక ఇతివృత్తంతో రూపొందిన ఈ సినిమా ఉత్తమ చిత్రం లేదా ఉత్తమ విదేశీ చిత్ర విభాగాల్లో ఆస్కార్‌ బరిలో నిలుస్తుందని అంతా భావించారు. అయితే ఈ రెండు విభాగాల్లో ‘జైభీమ్‌’ చోటు సంపాదించుకోలేకపోయింది.

• ఉత్తమ చిత్రం – బెల్‌ ఫాస్ట్‌, కోడా, కింగ్‌ రిచర్డ్‌, డోంట్‌ లుకప్‌, డ్రై మై కార్‌,డూన్‌, లికోరైస్‌ పిజ్జా, నైట్‌ మేర్‌ ఆలే, పవర్‌ ఆఫ్‌ ద డాగ్‌, వెస్ట్‌ సైడ్‌ స్టోరి.
• ఉత్తమ నటుడు – జేవియర్‌ బార్డెమ్‌ (బీయింగ్‌ ద రికార్డర్స్‌), బెనడిక్ట్‌ కంబర్‌ బాడ్చ్‌ (ద పవర్‌ ఆఫ్‌ ద డాగ్‌), ఆండ్రూ గార్‌ ఫీల్డ్‌ ( టిక్‌ టిక్‌ బూమ్‌), విల్‌ స్మిత్‌ (కింగ్‌ రిచర్డ్‌), డేంజల్‌ వాషింగ్టన్‌ (ద ట్రెజరీ ఆఫ్‌ మెక్బత్‌).
• ఉత్తమ నటి – జెస్సికా చాస్టన్‌ (ద ఐస్‌ ఆఫ్‌ టామీ ఫే), ఒలీవియా కాల్మన్‌ (ద లాస్ట్‌ డాటర్‌), పెనలోప్‌ క్రూజ్‌ (పారలల్‌ మదర్స్‌), నికోల్‌ కిడ్‌ మ్యాన్‌ (బీయింగ్‌ ద రికార్డర్స్‌), క్రిస్టన్‌ స్టీవార్ట్‌ (స్పెన్సర్‌).