Visit:
Jabardasth Ganapathi | ప్రముఖ కామెడీ షో జబర్దస్త్‌తో ఎంతో పాపులారిటీ తెచ్చుకున్న వారిలో గణపతి ఒకడు. హైపర్‌ ఆది టీమ్‌లో ఒక పిల్లర్‌గా గణపతి కనిపిస్తుంటాడు. తన యాక్టింగ్‌తో నవ్వులు పూయిస్తుంటాడు. ఎక్కువగా గణపతి టీచర్‌, స్టూడెంట్‌కు సంబంధించిన స్కిట్‌లు వేసేవాడు. అంతేకాదు అవే గణపతికి మంచి పాపులారిటీ తెచ్చిపెట్టాయి. గణపతి అలాంటి స్కిట్‌లు చేశాడంటే కావాల్సినంత ఎంటర్‌టైనమెంట్‌ గ్యారెంటీ. ఇక ఇదిలా ఉంటే ఇలా టీచర్‌ స్కిట్‌లు చేసే గణపతి ఇప్పుడు నిజంగానే ప్రభుత్వ టీచర్‌ అయ్యాడు.
తాజాగా గణపతికి ప్రభుత్వ టీచర్‌ ఉద్యోగం వచ్చింది. 1998లో డీఎస్సీ రాసి అర్హత సాధించిన వారిలో గణపతి కూడా ఉన్నాడు. కాగా పాతికేళ్ల అనంతరం ఇటీవల ఏపి ప్రభుత్వం వారికి పోస్టింగ్‌లు ఇవ్వడంతో గణపతికి కూడా ఉత్తర్వులు అందాయి. దీంతో ఆయన తన సొంత జిల్లా శ్రీకాకులంలో టీచర్‌గా బాధ్యతలు స్వీకరించాడు. ఇదే విషయాన్ని గణపతి ఓ ఇంటర్వూలో చెప్పాడు. నా పాతికేళ్ల కల నెరవేరింది. ప్రభుత్వ పాఠశాలల్లో పిల్లలకు పాఠాలు చెప్పాలన్న నా కల నేటికి నెరవేరింది. ఏపీ ప్రభుత్వానికి ధన్యవాదాలు అంటూ చెప్పుకొచ్చాడు.
గణపతి బబర్దస్త్‌తో పాటు పలు సినిమాల్లో చిన్న చిన్న పాత్రల్లో కనిపించాడు. ఇక ఆయనకు పలువురు జబర్దస్త్ నటులు శుభాకాంక్షలు తెలుపుతున్నారు. జబర్దస్త్ షో వల్ల సినిమాల్లో సెటిల్‌ అయినవారు చాలా మంది ఉన్నారు కానీ ఇలా వేరే రంగాల్లో స్థిర పడిన వారు చాలా తక్కువ ఉన్నారు. అందులో గణపతి కూడా చేరిపోయాడు.
