Irumudi | రవితేజ ‘ఇరుముడి’ బాక్సాఫీస్ విధ్వంసం.. ఉత్తర అమెరికాలో 1 మిలియన్ మార్క్ క్రాస్‌..!

Irumudi | మాస్ మహారాజా రవితేజ మరోసారి తన సత్తా చాటారు. ఆయన తాజా డివోషనల్ మాస్ ఎంటర్‌టైనర్ ‘ఇరుముడి’ బాక్సాఫీస్ వద్ద దూకుడు కొనసాగిస్తోంది. విడుదలైన తొలి రోజు నుంచే పాజిటివ్ టాక్‌తో దూసుకెళ్తున్న ఈ సినిమా.. కేవలం రెండు రోజుల్లోనే బ్రేక్ ఈవెన్ టార్గెట్‌ను పూర్తి చేసి ట్రేడ్ వర్గాలను ఆశ్చర్యపరిచింది. ఇక ఫస్ట్ వీకెండ్ పూర్తయ్యేసరికి ప్రపంచవ్యాప్తంగా రూ.75 కోట్ల గ్రాస్ వసూలు చేసి రవితేజ కెరీర్‌లోనే బిగ్గెస్ట్ వీకెండ్ గ్రాసర్‌గా నిలిచింది.

Irumudi | మాస్ మహారాజా రవితేజ మరోసారి తన సత్తా చాటారు. ఆయన తాజా డివోషనల్ మాస్ ఎంటర్‌టైనర్ ‘ఇరుముడి’ బాక్సాఫీస్ వద్ద దూకుడు కొనసాగిస్తోంది. విడుదలైన తొలి రోజు నుంచే పాజిటివ్ టాక్‌తో దూసుకెళ్తున్న ఈ సినిమా.. కేవలం రెండు రోజుల్లోనే బ్రేక్ ఈవెన్ టార్గెట్‌ను పూర్తి చేసి ట్రేడ్ వర్గాలను ఆశ్చర్యపరిచింది. ఇక ఫస్ట్ వీకెండ్ పూర్తయ్యేసరికి ప్రపంచవ్యాప్తంగా రూ.80కోట్ల గ్రాస్ వసూలు చేసి రవితేజ కెరీర్‌లోనే బిగ్గెస్ట్ వీకెండ్ గ్రాసర్‌గా నిలిచింది. సాధారణంగా స్టార్ హీరోల సినిమాలు థియేట్రికల్ బ్రేక్ ఈవెన్ టార్గెట్‌ను చేరుకోవడానికి కొంత సమయం పడుతుంది. కానీ ‘ఇరుముడి’ మాత్రం అందుకు భిన్నంగా దూసుకెళ్లింది. ఈ సినిమాకు సుమారు రూ.20 కోట్ల బ్రేక్ ఈవెన్ టార్గెట్ ఉండగా.. కేవలం రెండు రోజుల్లోనే దాన్ని అధిగమించినట్లు ట్రేడ్ వర్గాల సమాచారం.

మాస్ ఆడియన్స్‌తో పాటు ఫ్యామిలీ ప్రేక్షకులు కూడా థియేటర్లకు తరలిరావడంతో సినిమా కలెక్షన్లు అనూహ్యంగా పెరిగాయి. ఫస్ట్ వీకెండ్ ముగిసే సమయానికి ప్రపంచవ్యాప్తంగా రూ.75 కోట్ల గ్రాస్ మార్క్‌ను అందుకుంది. ఆగస్టు 21న థియేటర్లలోకి వచ్చిన ‘ఇరుముడి’ శుక్రవారం నుంచి ఆదివారం వరకు అద్భుతమైన వసూళ్లను సాధించింది. దీంతో రవితేజ కెరీర్‌లోనే అత్యధిక వీకెండ్ గ్రాస్ సాధించిన చిత్రంగా ‘ఇరుముడి’ కొత్త రికార్డు సృష్టించినట్లు తెలుస్తోంది. సోమవారం కూడా బుకింగ్స్‌లో పెద్దగా డ్రాప్ కనిపించకపోవడం సినిమాకు కలిసొచ్చే అంశంగా మారింది. వీక్‌డేస్‌లోనూ టికెట్ బుకింగ్స్ స్ట్రాంగ్‌గా ఉండటంతో సినిమా లాంగ్ రన్‌లో మరిన్ని రికార్డులు అందుకునే అవకాశం ఉందని ట్రేడ్ వర్గాలు అంచనా వేస్తున్నాయి.

ఇండియాతో పాటు ఓవర్సీస్ మార్కెట్‌లోనూ ‘ఇరుముడి’ మంచి వసూళ్లను రాబడుతోంది. ముఖ్యంగా నార్త్ అమెరికాలో ఈ సినిమా 1 మిలియన్ డాలర్ల మార్క్‌ను దాటినట్లు సమాచారం. దీంతో రవితేజ కెరీర్‌లోనే మొదటి మిలియన్ డాలర్ మూవీగా ‘ఇరుముడి’ నిలిచినట్లు తెలుస్తోంది. యూఎస్‌లో సినిమాకు వస్తున్న స్పందనతో మరిన్ని వసూళ్లు నమోదయ్యే అవకాశం కనిపిస్తోంది. సినిమా మేనియాకు బుకింగ్స్ కూడా అద్దం పడుతున్నాయి. సోమవారం కూడా బుక్‌మైషోలో గంటకు వేల సంఖ్యలో టికెట్లు అమ్ముడవుతున్నట్లు సమాచారం. వీక్‌డేస్‌లో ఇలాంటి డిమాండ్ కొనసాగితే ‘ఇరుముడి’ త్వరలోనే మరో భారీ మైలురాయిని అందుకునే అవకాశం ఉంది. డివోషనల్ అంశాలకు మాస్ ఎంటర్‌టైన్మెంట్, ఫ్యామిలీ ఎమోషన్స్‌ను జోడించి దర్శకుడు శివ నిర్వాణ ఈ సినిమాను తెరకెక్కించినట్లు తెలుస్తోంది. రవితేజ ఎనర్జిటిక్ పెర్ఫార్మెన్స్, కథలోని భావోద్వేగాలు, దర్శకుడి టేకింగ్, బ్యాక్‌గ్రౌండ్ స్కోర్ ప్రేక్షకులను ఆకట్టుకుంటున్నాయి. ముఖ్యంగా రవితేజను సరికొత్త కోణంలో చూపించడం సినిమాకు ప్లస్‌గా మారిందని ప్రేక్షకులు చెబుతున్నారు.