గోవా బ్యూటీ ఇలియా(ileana)నా అందచందాల గురించి ప్రత్యేకంగా పరిచయం చేయనక్కర్లేదు. ఈ అమ్మడు ఒకప్పుడు టాలీవుడ్ లో వరుస సినిమాలు చేస్తూ తెగ సందడి చేసింది. మోడల్గా ఫేమస్ అయిన టైంలోనే సినిమాల్లోకి ఎంట్రీ ఇచ్చింది ఇలియానా. ఆరంభంలోనే అద్భుతమైన నటనతో పాటు అందంతో ఆకట్టుకున్న ఈ బ్యూటీ వరుస అవకాశాలు అందుకొని స్టార్ హీరోయిన్గా అవతారమెత్తింది.
బాలీవుడ్లోను పలు సినిమాలు చేసిన ఇలియానా కొద్ది నెలలక్రితం అమర్ అక్బర్ ఆంటోని సినిమాతో టాలీవుడ్కి రీ ఎంట్రీ ఇచ్చింది. ఆ చిత్రం ఇలియానాకి పెద్దగా కలిసి రాలేదు. ప్రస్తుతం ఫొటో షూట్స్తో పిచ్చెక్కిస్తుంది ఇలియానా. 35 ఏళ్ల వయస్సు ఉన్న ఇలియానా ఆ మధ్య గర్భవతి కూడా అని ఓ వార్త తెగ వైరల్ అయింది. తన బాయ్ ఫ్రెండ్ తో ఇలియానా రహస్య వివాహం చేసుకుందని.. దాని ఫలితంగా ఆమె గర్భం కూడా దాల్చింది అని పుకార్లు పుట్టించారు.
తాజాగా ఓ నెటిజన్.. ఇలియానా పెళ్లి గురించి ప్రశ్నించగా, ఈ అమ్మడు చాలా కూల్గా సమాధానం ఇచ్చింది. పెళ్లి ఆలోచన ఉంది, కానీ వరుడు దొరకాలి కదా’ అంటూ చెప్పుకొచ్చింది. అంటే ఇలియానాకి కరెక్ట్ పర్సన్ దొరికితే త్వరలోనే పెళ్లి పీటలు ఎక్కనుందన్నమాట.