మూకాంబిక అమ్మవారికి ఇళయరాజా 8కోట్ల విలువైన కానుకలు

దిగ్గజ సంగీత దర్శకుడు ఇళయరాజా ఉడుపి (కర్ణాటక)లోని కొల్లూరు మూకాంబిక అమ్మవారికి ఎనిమిది కోట్ల విలువైన కానుకల్ని సమర్పించారు. అమ్మవారికి వజ్రాలు పొదిగిన రెండు కిరీటాలు, వీరభద్రస్వామికి బంగారు కత్తిని బహుమతిగా అందించారు.

దిగ్గజ సంగీత దర్శకుడు ఇళయరాజా ఉడుపి (కర్ణాటక)లోని కొల్లూరు మూకాంబిక అమ్మవారికి ఎనిమిది కోట్ల విలువైన కానుకల్ని సమర్పించారు. అమ్మవారికి వజ్రాలు పొదిగిన రెండు కిరీటాలు, వీరభద్రస్వామికి బంగారు కత్తిని బహుమతిగా అందించారు. ఈ విషయాన్ని మూకాంబిక ఆలయ ప్రధాన అర్చకుడు కె.ఎన్‌.సుబ్రహ్మణ్య అడిగ తన సోషల్‌మీడియా ఖాతా ద్వారా పంచుకున్నారు.

ఇళయరాజా ఆలయాన్ని సందర్శించిన వీడియోలతో పాటు బంగారు కిరీటాలు, బంగారు కత్తి తాలూకు ఫొటోలను షేర్‌ చేశారు. ఈ సందర్భంగా మాట్లాడిన ఇళయరాజా మూకాంబిక అమ్మవారి ఆశీస్సుల వల్లే అన్నీ సాధ్యమయ్యాయని, తాను చేసిందేమీ లేదని అన్నారు. ఇళయరాజా చాలా ఏళ్లుగా మూకాంబిక అమ్మవారి భక్తుడిగా ఉన్నారని, 2006లో కూడా ఆయన బంగారు కిరీటాన్ని బహుకరించారని ఆలయ వర్గాలు పేర్కొన్నాయి.