Honey Rose | షాకింగ్ ఘటన… షాపింగ్ మాల్‌లో నటి హనీ రోజ్‌కు వేధింపులు, సెలబ్రిటీల భద్రతపై ఆందోళన

Honey Rose | సినిమా తారలను దగ్గరగా చూడాలని, వారితో సెల్ఫీ దిగాలని అభిమానుల్లో ఉండే ఉత్సాహం కొన్నిసార్లు హద్దులు దాటుతూ సమస్యలకు దారితీస్తోంది. తాజాగా మలయాళ నటి హనీ రోజ్ ఒక ఈవెంట్ సందర్భంగా ఎదుర్కొన్న చేదు అనుభవం ఈ విషయాన్ని మరోసారి స్పష్టంచేసింది. ఈ ఘటన ఇప్పుడు సోషల్ మీడియాలో వైరల్ అవుతూ, సెలబ్రిటీల భద్రతపై పెద్ద చర్చకు దారితీసింది. కేరళలోని కోజికోడ్లో ఒక ప్రముఖ జ్యువెలరీ షాప్ ప్రారంభోత్సవానికి హనీ రోజ్ హాజరయ్యారు

Honey Rose | సినిమా తారలను దగ్గరగా చూడాలని, వారితో సెల్ఫీ దిగాలని అభిమానుల్లో ఉండే ఉత్సాహం కొన్నిసార్లు హద్దులు దాటుతూ సమస్యలకు దారితీస్తోంది. తాజాగా మలయాళ నటి హనీ రోజ్ ఒక ఈవెంట్ సందర్భంగా ఎదుర్కొన్న చేదు అనుభవం ఈ విషయాన్ని మరోసారి స్పష్టంచేసింది. ఈ ఘటన ఇప్పుడు సోషల్ మీడియాలో వైరల్ అవుతూ, సెలబ్రిటీల భద్రతపై పెద్ద చర్చకు దారితీసింది. కేరళలోని కోజికోడ్లో ఒక ప్రముఖ జ్యువెలరీ షాప్ ప్రారంభోత్సవానికి హనీ రోజ్ హాజరయ్యారు. ఆమెను చూసేందుకు అభిమానులు భారీగా తరలిరావడంతో అక్కడ ఒక్కసారిగా గందరగోళ పరిస్థితి నెలకొంది. ఈ క్రమంలో కొందరు ఆకతాయిలు సెల్ఫీలు తీసుకుంటామ‌ని చెప్పి ఆమెకు అత్యంత దగ్గరగా వచ్చి అసభ్యంగా ప్రవర్తించినట్లు తెలుస్తోంది.

ప్రత్యక్ష సాక్షుల సమాచారం ప్రకారం, కొందరు ఆమెను అనుచితంగా తాకేందుకు ప్రయత్నించగా, ఆమె తీవ్ర అసౌకర్యానికి గురయ్యారు. అయితే జనసందోహం మధ్యలో ఉండటంతో ఆమె వెంటనే స్పందించలేక, నిశ్శబ్దంగా అక్కడి నుంచి వెళ్లిపోయినట్లు సమాచారం. ఈ ఘటనకు సంబంధించిన వీడియోలు సోషల్ మీడియాలో వైరల్ అవుతుండటంతో, నెటిజన్లు ఆ ఆకతాయిల ప్రవర్తనపై తీవ్ర ఆగ్రహం వ్యక్తం చేస్తున్నారు. అభిమానం పేరుతో ఇలాంటి అసభ్యకర చర్యలు చేయడం ఎంతవరకు సరైందని ప్రశ్నిస్తున్నారు. హనీ రోజ్‌కు మాత్రమే కాదు, గతంలో నిధి అగర్వాల్, రష్మీ గౌతమ్ వంటి పలువురు హీరోయిన్లు కూడా ఇలాంటి వేధింపులను ఎదుర్కొన్నారు. ముఖ్యంగా షాపింగ్ మాల్స్, పబ్లిక్ ఈవెంట్లలో జనం ఒక్కసారిగా నియంత్రణ కోల్పోవడం వల్ల ఇలాంటి సంఘటనలు పెరుగుతున్నాయి.

ఈ ఘటనతో సెలబ్రిటీల భద్రతపై మళ్లీ ప్రశ్నలు తలెత్తుతున్నాయి. కేవలం బౌన్సర్లను పెట్టడం సరిపోదని, పెద్ద సంఖ్యలో వచ్చే జనాన్ని నియంత్రించడానికి మరింత కట్టుదిట్టమైన చర్యలు అవసరమని నిపుణులు సూచిస్తున్నారు. సినిమా తారలపై అభిమానాన్ని చూపించడం సహజమే అయినప్పటికీ, వారి వ్యక్తిగత గౌరవాన్ని కాపాడటం కూడా ప్రతి ఒక్కరి బాధ్యత. ఇలాంటి ఘటనలు కొనసాగితే సెలబ్రిటీలు పబ్లిక్ ఈవెంట్లకు రావడానికే వెనుకాడే పరిస్థితి ఏర్పడే ప్రమాదం ఉంది. ఇలాంటి ఘటనలు పునరావృతం కాకుండా ఉండాలంటే ఈవెంట్ నిర్వాహకులు ముందుగానే సమగ్ర భద్రతా ప్రణాళికలు సిద్ధం చేయాలి. క్రౌడ్ మేనేజ్‌మెంట్‌లో నూతన పద్ధతులు, పరిమిత ప్రవేశం వంటి చర్యలు తీసుకోవాల్సిన అవసరం ఎంతైన ఉంది అని అంటున్నారు.

Honey rose 🥵🤯 pic.twitter.com/MWshbj7tqj

— Upender (@Upenderuppy08) March 29, 2026