మూఢ నమ్మకాలతో

సంజయ్‌ రావ్‌, ప్రణవి మానుకొండ జంటగా మైక్‌ మూవీస్‌ సంస్థ నిర్మిస్తున్న చిత్రానికి ‘స్లమ్‌ డాగ్‌ హజ్బెండ్‌' అనే టైటిల్‌ను ఖరారు చేశారు.

సంజయ్‌ రావ్‌, ప్రణవి మానుకొండ జంటగా మైక్‌ మూవీస్‌ సంస్థ నిర్మిస్తున్న చిత్రానికి ‘స్లమ్‌ డాగ్‌ హజ్బెండ్‌’ అనే టైటిల్‌ను ఖరారు చేశారు. ఈ సినిమాతో ఏఆర్‌ శ్రీధర్‌ దర్శకుడిగా పరిచయమవుతున్నారు. అప్పిరెడ్డి, వెంకట్‌ అన్నపరెడ్డి నిర్మాతలు. తాజాగా ఈ చిత్ర ఫస్ట్‌ లుక్‌, మోషన్‌ పోస్టర్‌ను హీరో దగ్గుబాటి రానా విడుదల చేశారు. వధూ వరులకు చెట్లతో, జంతువులతో పెండ్ల్లి చేయడం వార్తల్లో చూస్తుంటాం. వివాహాల సందర్భంగా కొందరు అనుసరిస్తున్న ఇలాంటి మూఢనమ్మకాల నేపథ్యంతో వినోదాత్మకంగా ఈ చిత్రాన్ని తెరకెక్కించినట్లు మోషన్‌ పోస్టర్‌ ద్వారా తెలుస్తున్నది. ప్రస్తుతం రెగ్యులర్‌ చిత్రీకరణలో ఉందీ సినిమా. బ్రహ్మాజీ, ఛమ్మక్‌ చంద్ర, గుండు సుదర్శన్‌ తదితరులు ఇతర పాత్రల్లో నటిస్తున్న ఈ చిత్రానికి ఎడిటర్‌ : వైష్ణవ్‌ వాసు, సినిమాటోగ్రఫీ : శ్రీనివాస్‌ జె రెడ్డి, సంగీతం : భీమ్స్‌ సిసిరోలియో.