Editor Thammiraju | కామెడీ సినిమాకు ప‌నిచేయ‌డం చాలా క‌ష్టం..ఎఫ్ 3 ఎడిట‌ర్ మాట‌ల్లోనే..

ఎఫ్ 3 సినిమా ఎలా ఉండ‌బోతుందో తాజా ఇంట‌ర్వ్యూలో చెప్పుకొచ్చారు ఎడిట‌ర్‌ త‌మ్మిరాజు. ఎఫ్ 2 సినిమా కంటే హెలేరియ‌స్‌గా ఉంటుందంటున్నారు ఎడిట‌ర్ త‌మ్మిరాజు (Editor Thammiraju).

టాలీవుడ్ ( Tollywood) హీరోలు వెంక‌టేశ్ (Venkatesh ), వ‌రుణ్ తేజ్ (Varun Tej) న‌టిస్తున్న మ‌ల్టీస్టార‌ర్ ఎఫ్3 (F3). త‌మ‌న్నా, మెహ‌రీన్ కౌర్ ఫీ మేల్ లీడ్ రోల్స్ చేస్తున్నారు. ఈ చిత్రానికి 30 సినిమాల‌కు పైగా ప‌నిచేసిన త‌మ్మిరాజు ఎడిట‌ర్‌గా ప‌నిచేశారు. ఎఫ్ 3 ఎలా ఉండ‌బోతుందో తాజా ఇంట‌ర్వ్యూలో చెప్పుకొచ్చారు ఆయ‌న‌. ఎఫ్ 2 కంటే హెలేరియ‌స్‌గా ఉంటుందంటున్నారు ఎడిట‌ర్ త‌మ్మిరాజు (Editor Thammiraju).

‘ఎఫ్ 2 పెళ్ల‌య్యాక ఎదుర‌య్యే స‌మ‌స్యల‌పై ఉంటే, ఎఫ్ 3లో మ‌నుషుల రిలేష‌న్ షిప్స్ పై డ‌బ్బు ప్ర‌భావం ఎలా ఉంటుందో ఫ‌న్నీగా చూపించ‌డం జ‌రుగుతుంద‌ని అన్నారు. డైరెక్ట‌ర్ అనిల్ రావిపూడి ఈ సినిమా కోసం అద్బుతమైన డైలాగ్స్ రాశాడు. ఎఫ్ 3 లాంటి కామెడీ సినిమాకు ప‌నిచేయ‌డం చాలా క‌ష్టం. ఎందుకంటే ప్రేక్ష‌కుల‌ను న‌వ్వుల్లో ముంచే కొన్ని మంచి డైలాగ్స్, సీన్లను ఎడిట్ చేయాలంటే క‌ష్ట‌మైన ప‌ని. పటాస్ సినిమా నుంచి త‌న‌కు అనిల్ రావిపూడితో మంచి అనుబంధం ఉంద‌ని ‘చెప్పుకొచ్చారు త‌మ్మిరాజు.

ఈ చిత్రంలో సోనాల్ చౌహాన్ కీ రోల్‌లో న‌టిస్తుంది. పూజాహెగ్డే ఐటెంసాంగ్ చేస్తుంది. మే 27న ప్రేక్ష‌కుల ముందుకు రానున్న ఈ చిత్రంలో శ్రీనివాస్ రెడ్డి, అన్న‌పూర్ణ‌మ్మ‌, ప్ర‌గ‌తి, రాజేంద్ర‌ప్ర‌సాద్‌, అంజ‌లి, సునీల్ కీ రోల్స్ చేస్తున్నారు.

Read Also :  Jai Bhim | ప్ర‌తిష్టాత్మ‌క ఫెస్టివ‌ల్‌లో సూర్య ‘జైభీమ్‌’కు అవార్డుల పంట

Read Also :  Hansika Motwani | మాల్డీవుల్లో మ‌తులు పోగొడుతున్న హ‌న్సిక‌..వీడియో వైర‌ల్

Read Also : SVP Trailer | అమ్మాయిల్ని, అప్పు ఇచ్చేవాళ్ల‌ని ర‌ఫ్‌గా హ్యాండిల్ చేయ‌కూడ‌దు..మ‌హేశ్ పంచ్ డైలాగ్స్ తో ట్రైల‌ర్