Hanuman Movie | జాంబి రెడ్డి ఫేమ్ టాలీవుడ్ స్టార్ దర్శకుడు ప్రశాంత్ వర్మ (Prashanth Varma) దర్శకత్వంలో వచ్చిన మోస్ట్ అవైటెడ్ మూవీ హనుమాన్ (Hanuman). తేజ సజ్జా(Teja Sajja) కథా నాయకుడిగా నటించిన ఈ సినిమా ఇప్పటికే గ్లోబల్ లెవల్లో క్రేజ్ సంపాదించుకుంది. దేశవ్యాప్తంగా భారీ అంచనాల నడుమ శుక్రవారం ప్రేక్షకుల ముందుకొచ్చిన విషయం తెలిసిందే. ఇక ఈ సినిమాకు మొదటిరోజు నుంచే పాజిటివ్ టాక్ రావడంతో బొమ్మ బ్లాక్ బస్టర్ అని తెలుస్తుంది. అయితే ఈ చిత్రం మొదటి రోజు బాక్సాఫీస్ దగ్గర దుమ్ముదులిపేసింది.
ప్రీమియర్ షోలతో విడుదలకు ముందే అదరగొట్టిన ఈ చిత్రం ఫస్ట్ డే భారీ ఓపెనింగ్స్ను రాబట్టింది. ‘హనుమాన్’ ఫస్ట్ డే కలెక్షన్స్ చూస్తే.. వరల్డ్వైడ్గా రూ.21 కోట్లు వసూళ్లు రాబట్టినట్లు సమాచారం. ఇక గుంటూరు కారం ఎఫెక్ట్తో ఈ సినిమా పరిమిత థియేటర్లలో విడుదల కాగా సినిమాకు వచ్చిన టాక్తో ఈ సంఖ్య మరింత పెరిగే అవకాశం ఉంది.
హనుమాన్ చిత్రాన్ని ప్రైమ్ షో ఎంటర్టైన్మెంట్ బ్యానర్పై కే నిరంజన్ రెడ్డి తెరకెక్కించగా.. కోలీవుడ్ భామ అమృతా అయ్యర్ ఫీ మేల్ లీడ్ రోల్లో నటించింది. వరలక్ష్మి శరత్ కుమార్, వినయ్ రాయ్, రాజ్ దీపక్ శెట్టి, వెన్నెల కిశోర్ కీలక పాత్రలు పోషించారు. ఈ మూవీకి గౌరా హరి-అనుదీప్ దేవ్, కృష్ణ సౌరభ్ సంయుక్తంగా మ్యూజిక్, బ్యాక్ గ్రౌండ్ స్కోర్ అందించారు. జాంబిరెడ్డి తర్వాత తేజ సజ్జా, ప్రశాంత్ వర్మ కాంబినేషన్లో వస్తున్న తొలి పాన్ ఇండియా సినిమా కావడంతో ఈ సినిమాను జనాలు క్యూ కడుతున్నారు.