VD12 | క్రేజీ టాక్‌.. హిట్‌ మ్యూజిక్ డైరెక్టర్‌కే VD12లో మరో ఛాన్స్..?

విజయ్ దేవరకొండ (Vijay Deverakonda) ఈ ఏడాది జెర్సీ ఫేం గౌతమ్‌ తిన్ననూరి డైరెక్షన్‌లో కొత్త ప్రాజెక్ట్‌ (VD12) ప్రకటించిన విషయం తెలిసిందే. కాగా ఈ సినిమాకు సంబంధించిన క్రేజీ అప్‌డేట్ ఒకటి ఫిలింనగర్‌లో చక్కర్లు కొడుతోంది.ట.

విజయ్ దేవరకొండ (Vijay Deverakonda) జెర్సీ ఫేం గౌతమ్‌ తిన్ననూరి డైరెక్షన్‌లో కొత్త ప్రాజెక్ట్‌ (VD12) ప్రకటించిన విషయం తెలిసిందే. ఈ చిత్రాన్ని సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌-శ్రీకర స్టూడియోస్‌ బ్యానర్‌తో కలిసి నిర్మిస్తోంది. కాగా ఈ సినిమాకు సంబంధించిన క్రేజీ అప్‌డేట్ ఒకటి ఫిలింనగర్‌లో చక్కర్లు కొడుతోంది.

టాలెంటెడ్ మ్యూజిక్‌ డైరెక్టర్‌ అనిరుధ్‌ రవిచందర్‌ (Anirudh Ravichander)ను మరోసారి తన సినిమాలోకి తీసుకోవాలని గౌతమ్‌ తిన్ననూరి ప్లాన్ చేస్తున్నాడట. గౌతమ్‌ తిన్ననూరి మొదటి సినిమా జెర్సీకి అనిరుధ్‌ మ్యూజిక్ అందించాడు. ఇప్పుడు రెండోసారి విజయ్‌ దేవరకొండ సినిమాకు అనిరుధ్‌ దాదాఫు ఫిక్సయినట్టు టాక్‌ నడుస్తోంది. అనిరుధ్‌ రవిచందర్‌ ప్రస్తుతం బ్యాక్ టు బ్యాక్ భారీ బడ్జెట్‌ సినిమాలతో ఫుల్‌ బిజీగా ఉన్నాడు.

రజినీకాంత్‌ టైటిల్ రోల్ పోషిస్తోన్న జైలర్‌కు, విజయ్‌-లోకేశ్‌ కనగరాజ్‌ కాంబోలో వస్తున్న లియో చిత్రానికి, శంకర్‌-కమల్ హాసన్‌ కాంబినేషన్‌లో తెరకెక్కుతున్న ఇండియన్ సినిమాతోపాటు ఎన్టీఆర్ 30కి మ్యూజిక్ అందిస్తున్నాడు అనిరుధ్‌ రవిచందర్‌. మరి ఇంత బిజీగా ఉన్న అనిరుధ్‌ VD12కి టైం ఇస్తాడా..? లేదా..? అన్నది చూడాలి. కాప్‌ స్టోరీతో తెరకెక్కుతున్న VD12 చిత్రంలో ప్రముఖ నటీనటులు, సాంకేతిక నిపుణుల బృందం భాగస్వామ్యం కాబోతుంది.

విజయ్‌ దేవరకొండ ప్రస్తుతం శివనిర్వాణ దర్శకత్వంలో ఖుషి సినిమాలో నటిస్తున్నాడు. రొమాంటిక్‌ ఫ్యామిలీ ఎంటర్‌ టైనర్‌గా వస్తున్న ఈ చిత్రంలో సమంత హీరోయిన్‌గా నటిస్తోంది. గౌతమ్‌ తిన్ననూరి మరోవైపు రాంచరణ్‌తో కూడా సినిమాను ప్రకటించేశాడు.