కన్నడ బ్యూటీ రష్మిక మందన్నా (Rashmika Mandanna) పుష్ప సినిమాలోని సామి సామి పాటకు వేసిన సిగ్నేచర్ స్టెప్ (Saami Saami Step) ఏ రేంజ్లో ఫేమస్ అయ్యిందో తెలిసిందే. ఈ పాట నెట్టింటిని షేక్ చేసింది. రష్మిక డ్యాన్స్, ఎక్స్ప్రెషన్స్కు మూవీ లవర్స్ మాత్రమే కాదు స్టార్ సెలబ్రిటీలు సైతం ఫిదా అయిపోయారు. ఇపుడీ పాటకు మరోసారి డ్యాన్స్ చేసి అదరహో అనిపిస్తోంది రష్మిక.
ఇంతకీ ఇన్ని రోజులకు మళ్లీ ఎక్కడ డ్యాన్స్ చేసిందనుకుంటున్నారా..? రష్మిక జీ టీవీ షో కోసం ఈ డ్యాన్స్ చేసింది. రష్మిక నటిస్తున్న హిందీ చిత్రం గుడ్బై. ఈ సినిమా ప్రమోషన్స్ లో భాగంగా జీ టీవీలో ప్రసారమయ్యే DID SuperMoms షోకు హాజరైంది రష్మిక. భాగ్య శ్రీ, రెమో డీ సౌజా షోకు జడ్జిలుగా వ్యవహరిస్తున్నారు. రష్మిక ఈ షోలో వన్ ఆఫ్ ది గెస్ట్, స్టార్ యాక్టర్ గోవిందా (Govinda) తో కలిసి సామి సామి పాటకు డ్యాన్స్ చేసింది.
సామి వేదిక మీద ఉన్నప్పుడు..మీరు మీ కళ్లు పక్క తిప్పుకోలేరు సామీ అంటూ జీ ఛానల్ ప్రోమోను షేర్ చేసింది. ఈ వీడియో ఇపుడు నెట్టింట్లో ట్రెండింగ్ అవుతోంది.
Nahi hata paayenge aap bhi apni ankhiyaan, jab manch par saami, saami karenge #RashmikaMandanna aur #Govinda! 🔥👯Dekhiye #DIDSuperMoms, kal, raat 9 baje, sirf #ZeeTV par aur kahin bhi, kabhi bhi #ZEE5 App par.#HarMomSuperMom #SapnonKaGrandFinale #Promo pic.twitter.com/CgsJKuXwdE
— ZeeTV (@ZeeTV) September 24, 2022
వికాస్ బాల్ దర్శకత్వంలో ఫ్యామిలీ డ్రామా నేపథ్యంలో వస్తున్న గుడ్ బై చిత్రంలో అమితాబ్ బచ్చన్ కీ రోల్ చేస్తున్నారు. అక్టోబర్ 7న ప్రపంచవ్యాప్తంగా ప్రేక్షకుల ముందుకు రాబోతుంది.