లొకేషన్‌కి వచ్చిన వీరమల్లు

పవన్‌కల్యాణ్‌ ‘హరిహర వీరమల్లు’ సినిమాకోసం ఆయన అభిమానులే కాదు, అందరు హీరోల అభిమానులూ ఆసక్తిగా ఎదురు చూస్తున్నారు. రెండు భాగాలుగా దర్శకుడు జ్యోతికృష్ణ ఈ చిత్రాన్ని తెరకెక్కిస్తున్నారు. తొలి పార్ట్‌ షూట్‌ దాదాపు పూర్తి కావచ్చింది. పవన్‌కల్యాణ్‌పై నాలుగు రోజుల షూట్‌ మాత్రమే బ్యాలన్స్‌ ఉంది.

పవన్‌కల్యాణ్‌ ‘హరిహర వీరమల్లు’ సినిమాకోసం ఆయన అభిమానులే కాదు, అందరు హీరోల అభిమానులూ ఆసక్తిగా ఎదురు చూస్తున్నారు. రెండు భాగాలుగా దర్శకుడు జ్యోతికృష్ణ ఈ చిత్రాన్ని తెరకెక్కిస్తున్నారు. తొలి పార్ట్‌ షూట్‌ దాదాపు పూర్తి కావచ్చింది. పవన్‌కల్యాణ్‌పై నాలుగు రోజుల షూట్‌ మాత్రమే బ్యాలన్స్‌ ఉంది. అయితే.. ఆ నాలుగు రోజులకే ఆయన ఇన్నాళ్లూ టైమ్‌ కేటాయించలేకపోయారు. అయితే.. ఎట్టకేలకు పవన్‌కల్యాణ్‌ ‘హరిహర వీరమల్లు’ సెట్‌లోకి ఆదివారం ఎంట్రీ ఇచ్చారని తెలుస్తున్నది. నాలుగు రోజుల పాటు జరిగే ఈ షూట్‌తో చిత్రీకరణ మొత్తం పూర్తవుతుందట. పోస్ట్‌ ప్రొడక్షన్‌ కార్యక్రమాలను కూడా పూర్తి చేసి త్వరలోనే సినిమాను విడుదల చేయాలని నిర్మాతలు భావిస్తున్నారు.

చారిత్రక పాత్రలతో కూడిన ఫిక్షన్‌ కథతో ఈ సినిమా రూపొందుతోంది. గోల్కొండ నవాబు కులీ కుతుబ్‌షా, మొఘల్‌ సామ్రాజ్య చక్రవర్తి ఔరంగజేబు పాత్రలు కథలో కీలకం కానున్నాయట. ఇందులో పవన్‌కల్యాణ్‌ రాబిన్‌హుడ్‌ తరహా పాత్రలో కనిపిస్తారట. ఈ సినిమా కథ కోహినూర్‌ వజ్రం చుట్టూ తిరుగుతుందని సమాచారం. నిధి అగర్వాల్‌ కథానాయికగా నటిస్తున్న ఈ చిత్రంలో బాబీ డియోల్‌, నర్గీస్‌ ఫక్రీ, నోరా ఫతేహీ, సునీల్‌ తదితరులు ఇతర పాత్రధారులు. ఈ చిత్రానికి సంగీతం: ఎం.ఎం.కీరవాణి, కెమెరా: మనోజ్‌ పరమహంస, జ్ఞానశేఖర్‌, నిర్మాత: ఏ.దయాకర్‌రావు, సమర్పణ: ఏ.ఎం.రత్నం, నిర్మాణం: మెగా సూర్య ప్రొడక్షన్స్‌.