Adipurush Movie | ఆస‌క్తి రేకెత్తిస్తున్న ‘ఆదిపురుష్’ కాన్సెప్ట్ ఆర్ట్..!

Adipurush Concept Art | ఫ‌లితంతో సంబంధంలేకుండా ప్ర‌భాస్ ప్ర‌స్తుతం వ‌రుస‌గా సినిమాల‌ను చేస్తున్నాడు. సాహో, రాధేశ్యామ్ వంటి వ‌రుస బ్యాక్ టు బ్యాక్ ఫేయిల్యూర్స్ వ‌చ్చిన ప్ర‌భాస్ క్రేజ్ మాత్రం కొంచెం కూడా త‌గ్గ‌లేదు. ప్ర‌భాస్‌కు సంబంధించిన ఏ చిన్న అప్‌డేట్ వ‌చ్చిన అది క్ష‌ణాల్లో వైర‌ల్ అవుతుంది. ఇక ప్రభాస్ ప్ర‌స్తుతం నాలుగు సినిమాల‌ను సెట్స్‌పై ఉంచాడు. అందులో ‘ఆదిపురుష్’ ఒక‌టి. ‘త‌న్హాజీ’ ఫేం ఓం రౌత్ ఈ చిత్రానికి ద‌ర్శ‌క‌త్వం వ‌హిస్తున్నాడు. సినిమా షూటింగ్ పూర్త‌యి నెల‌లు గ‌డుస్తున్న ఒక్క అప్‌డేట్ కూడా ఇప్ప‌టివ‌ర‌కు రాలేదు. దాంతో డార్లింగ్ ఫ్యాన్స్ మేక‌ర్స్‌పై తీవ్ర అస‌హ‌నం వ్య‌క్తం చేస్తున్నారు. దీనిపై మేక‌ర్స్.. ఈ సినిమాను గ్రాండియ‌ర్‌గా తెర‌కెక్కిస్తున్నాం. హాలీవుడ్ టెక్నీషిన్స్‌తో సీ.జి వ‌ర్క్ చేయిస్తున్నాం. మంచి అవుట్ పుట్ వ‌చ్చేలా చూసుకుంటున్నాం అంటూ చెబుతూ వ‌స్తున్నారు. అయితే తాజాగా ప్ర‌భాస్ అభిమాని ఒక‌త‌ను ఆదిపురుష్ కాన్సెప్ట్ ఆర్ట్‌ను డిజైన్ చేశాడు. ప్ర‌స్తుతం అది నెట్టింట వైర‌ల్ అవుతుంది.

లేటెస్ట్‌గా విడుద‌లైన కాన్సెప్ట్ ఆర్ట్ నెట్టింట తెగ వైర‌ల్ అవుతుంది. రాముడి లుక్‌లో ప్ర‌భాస్ కాన్సెప్ట్ ఆర్ట్ ప్రేక్ష‌కుల‌ను విప‌రీతంగా ఆక‌ట్టుకుంటుంది. ఆదిపురుష్ టీం నుండి అప్‌డేట్‌లు రాక‌పోయినా ప్ర‌భాస్ అభిమానులు ఇలా పోస్ట‌ర్ల‌ను డిజైన్ చేస్తూ ఆక‌ట్టుకుంటున్నారు. కాగా సెప్టెంబ‌ర్ చివ‌రి వారంలో ఆదిపురుష్ ఫ‌స్ట్‌లుక్ విడుద‌ల కానుంద‌ని టాక్‌. మైథ‌లాజిక‌ల్ కాన్సెప్ట్‌తో తెర‌కెక్కిన ఈ చిత్రాన్ని ద‌ర్శ‌కుడు ఓం రౌత్.. రామాయ‌ణం నేప‌థ్యంలో రూపొందించాడు. ప్ర‌భాస్ రాముడి పాత్ర‌లో న‌టించ‌గా, కృతి స‌నన్ సీత పాత్ర‌లో న‌టిస్తుంది. బాలీవుడ్ స్టార్ సైఫ్ అలీఖాన్ ప్ర‌తినాయ‌కుడి పాత్ర‌లో న‌టిస్తున్నాడు. ఈ చిత్రాన్ని వ‌చ్చే ఏడాది సంక్రాంతి కానుక‌గా జ‌న‌వ‌రి 12న విడుద‌ల కానుంది. అంతేకాకుండా ఈ చిత్రాన్ని అత్యంత భారీగా దాదాపు 20 భాష‌ల్లో పాన్ వ‌ర‌ల్డ్ సినిమాగా మేక‌ర్స్ రూపొందిస్తున్నార‌ట‌.

#Prabhas🔥#Adipurush pic.twitter.com/lSr1DaloIz

— Manobala Vijayabalan (@ManobalaV) August 28, 2022