F3 Movie On OTT | వెంకటేష్, వరుణ్ తేజ్ ప్రధాన పాత్రల్లో నటించిన లేటెస్ట్ చిత్రం ‘ఎఫ్-3’. అనిల్ రావిపూడి దర్శకత్వం వహించిన ఈ చిత్రం 2019లో వచ్చిన ‘ఎఫ్-2’కు సీక్వెల్గా తెరకెక్కింది. భారీ అంచనాల నడుమ మే 27న విడుదలైన ఈ చిత్రం సీక్వెల్కు ఏ మాత్రం తీసిపోకుండా రెట్టింపు ఎంటర్టైనమెంట్తో ప్రేక్షకులను విపరీతంగా ఆకట్టుకుంది. వెంకీ, వరుణ్ల కామెడీ టైమింగ్కు ప్రేక్షకులు ఫిదా అయ్యారు. అనిల్ రావిపూడి మరోసారి ఆడియెన్స్ను రెండున్నర గంటలు హాయిగా నవ్వుకునేలా చేశాడు. కానీ పోటీగా ‘విక్రమ్’, ‘మేజర్’ చిత్రాలు విజయవంతంగా ప్రదర్శించడంతో ‘ఎఫ్-3’ బ్రేక్ ఈవెన్ సాధించలేకపోయింది. ఇదిలా ఉంటే తాజాగా ఈ చిత్రం ఓటీటీ విడుదలకు సిద్ధమైంది.
‘ఎఫ్-3’ చిత్రం ప్రముఖ ఓటీటీ సంస్థ సోనీలివ్లో జూలై 22 నుండి స్ట్రీమింగ్ కానుంది. చిత్రబృందం తెలిపిన ప్రకారమే ఈ చిత్రం విడుదలైన 50రోజుల తర్వాత ఓటీటీలోకి రానుంది. ఈ మధ్య కాలంలో సినిమాలన్ని దాదాపుగా నెలలోపే ఓటీటీలలో దర్శనమిస్తున్నాయి. కాగా ఈ చిత్రం దాదాపు 8 వారాల తర్వాత డిజిటల్లోకి రావడం విశేషం అనే చెప్పాలి. ఈ చిత్రాన్ని శ్రీ వెంకటేశ్వరా క్రియేషన్స్ పతాకంపై దిల్రాజు, శిరీష్లు నిర్మించారు. తమన్నా, మెహరిన్లు కథానాయికలుగా నటించగా సునీల్, సోనాల్చౌహన్లు కీలకపాత్రల్లో నటించారు. దేవీ శ్రీ ప్రసాద్ సంగీతం అందించాడు.
Be prepared for a hilarious journey with @VenkyMama,@IAmVarunTej, @tamannaahspeaks, @hegdepooja and @Mehreenpirzada. Watch F3 on #SonyLIV from 22nd July. #F3OnSonyLIV@AnilRavipudi @ThisIsDSP @Mee_Sunil @sonalchauhan7 @adityamusic @SVC_official pic.twitter.com/VBD37Y7PCO
— SonyLIV (@SonyLIV) July 11, 2022