Extra Ordinary Man | కెరీర్లో ఒడిదుడుకులు చూసిన టాలీవుడ్ హీరో ఎవరంటే టక్కున గుర్తొచ్చే పేరు నితిన్. కెరీర్ ఆరంభంలోనే రెండు బ్లాక్ బస్టర్లు అందుకుని ఆ తర్వాత వరుస పరాజయాలను చవిచూశాడు. ఇక ఆయన కెరీర్లో ఎన్ని పరాజయాలు ఎదురైనా మొక్కవోని ధైర్యంతో ముందుకెళ్లి మళ్లీ విజయాలను అందుకున్నాడు నితిన్. ‘ఇష్క్’తో కొత్త ఇన్నింగ్స్ మొదలుపెట్టి వరుస విజయాలతో దూసుకుపోయాడు. అయితే, మళ్లీ కాస్త విజయాలకు బ్రేక్ వచ్చింది. అందుకే.. ఇప్పుడు విజయమే లక్ష్యంగా పూర్తి వినోదభరిత కథాంశాన్ని ఎంచుకొని వక్కంతం వంశీ దర్శకత్వంలో ‘ఎక్స్ట్రా ఆర్డినరీ మ్యాన్’ చేశాడు. యాక్షన్ ఎంటర్టైనర్గా వచ్చిన ఈ మూవీలో శ్రీలీల (Sreeleela) హీరోయిన్గా నటించింది. గత ఏడాది డిసెంబరు 8న ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద డిజాస్టర్గా మిగిలింది.
ఇదిలావుంటే తాజాగా ఈ చిత్రం ఓటీటీ లాక్ చేసుకుంది. ప్రముఖ ఓటీటీ దిగ్గజం డిస్నీ ప్లస్ హాట్స్టార్ వేదికగా ఈ సినిమా జనవరి 19 నుంచి స్ట్రీమింగ్ కాబోతుంది. ఈ విషయాన్ని డిస్నీ ప్లస్ హాట్స్టార్ తన సోషల్ మీడియా ఖాతాలో ప్రకటించింది. ఇక ఈ మూవీని నితిన్ హోం బ్యానర్ శ్రేష్ఠ్ మూవీస్పై సుధాకర్ రెడ్డి నిర్మించారు.
Get ready to experience all the shades of this extraordinary man ✨🫶🏽#ExtraOrdinaryManonHotstar Streaming from 19th Jan only on #DisneyPlusHotstar@actor_nithiin @ActorRajasekhar @sreeleela14 @vamsivakkantham@Jharrisjayaraj pic.twitter.com/HzL4Se8OEY
— Disney+ Hotstar Telugu (@DisneyPlusHSTel) January 13, 2024
ఈ సినిమా కథ విషయానికి వస్తే.. అభి(నితిన్) ఓ జూనియర్ ఆర్టిస్ట్. ఎలాగైనా పెద్ద హీరో అవ్వాలనేది అతని యాంబిషన్. అయితే తను ఏ సినిమాకు పనిచేసినా అతన్ని కెమెరాకు అందనంత దూరంగా ఉంచుతుంటారు దర్శకులు. దాంతో అభి తెగ బాధపడిపోతుంటాడు. అలాంటి సమయంలో అతనికి లిఖిత(శ్రీలీల) పరిచయం అవుతుంది. దాంతో అభి జీవితం పూర్తిగా మారిపోతుంది. తను కూడా అదే కంపెనీలో సీఈవో స్థాయికి ఎదుగుతాడు. అయితే ఉన్నట్టుండి అభికి ఓ సినిమాలో హీరో ఛాన్స్ వస్తుంది. కోటియా అనే గ్రామంలో జరిగిన ఓ రియల్ స్టోరీ ఆధారంగా తయారైన కథ అది. ఆ గ్రామంలో నీరో అనే దుర్మార్గుడు ఉంటాడు. వాడ్ని చంపి ఆ గ్రామాన్ని ఆ గ్రామస్తుల్ని కాపాడటానికి సైతాన్ అనే పోలీస్ ఎలాంటి సాహసాలు చేశాడనేది ఆ సినిమా కథ. కథ నచ్చి ఉద్యోగాన్ని కూడా పక్కనపెట్టి సినిమా చేయడానికి ఒప్పుకుంటాడు. తీరా సినిమా సెట్కి వెళ్లే సమయానికి అభిని హీరోగా తప్పించి మరో హీరోతో సినిమా చేయడానికి దర్శకుడు రెడీ అవుతుంటాడు. ఇలా అస్థవ్యస్తమైన పరిస్థితుల మధ్య కథ అనుకోని మలుపు తిరుగుతుంది. ఎవరి కథ ఆధారంగా అయితే, ఈ సినిమా తెరకెక్కుతున్నదో అదే దుర్మార్గుడు నీరోతో నిజంగానే అభి తలపడాల్సొస్తుంది. అసలు అభికి ఇలాంటి పరిస్థితి ఎందుకు ఎదురైంది? మరి అభీకీ, నీరోకి జరిగిన యుద్ధంలో ఎవరు గెలిచారు? అనేది మిగతా కథ.