పుష్ప సినిమా కోసం సుకుమార్ ముందు అనుకున్న‌ది అల్లు అర్జున్‌ను కాదంట‌

January 8, 2022 / 08:51 AM IST

By Maduri Mattaiah

Sukumar | Allu arjun in Pushpa — Allu arjun in Pushpa

Sukumar | అల్లు అర్జున్-సుకుమార్ కలయికలో వచ్చిన హ్యాట్రిక్ చిత్రం పుష్ప కలెక్షన్ల పరంగా కొత్త రికార్డులు క్రియేట్ చేస్తున్న సంగతి తెలిసిందే. తెలుగుతో పాటు హిందీ, తమిళ, కన్నడ, మలయాళ భాషల్లో కూడా ఈ చిత్రం భారీ వసూళ్లతో దూసుకెళుతోంది. ఈ చిత్రంతో పాన్ ఇండియా స్టార్‌గా ఎదిగిన అల్లు అర్జున్.. ఈ రోజు జరిగిన థ్యాంక్స్‌మీట్‌లో సుకుమార్ పట్ల తనకున్న ప్రేమను వ్యక్తపరుస్తూ ఒకింత భావోద్వేగానికి గురయ్యారు. ఈ చిత్రం ఇప్పటి వరకు ప్రపంచవ్యాప్తంగా రూ.275 కోట్లు కలెక్ట్ చేసిందని లాంగ్ రన్‌లో రూ.325 కోట్లపైగా వసూలు చేసే అవకాశం ఉందని నిర్మాతలు చెబుతున్నారు. అయితే తొలుత పుష్ప పాత్ర కోసం సుకుమార్ ముందుగా అల్లు అర్జున్‌ను అనుకోలేదంట‌.

బ‌న్నీ కంటే ముందు ఈ చిత్రకథను సుకుమార్ హీరో మహేశ్‌ బాబుకు చెప్పారు. ఎర్రచందనం నేపథ్యంలో ఇంత ఊరమాస్ సినిమా చేయడం తనకు ఇష్టం లేదని మహేశ్‌బాబు ఈ ప్రాజెక్టు నుంచి తప్పుకున్నాడు. అయితే ఈ చిత్రం ఇప్పుడు సాధించిన విజయం.. నటన పరంగా అల్లు అర్జున్‌కు వచ్చిన ఫేమ్, పాన్ ఇండియా స్టార్‌గా బన్నీకి వచ్చిన క్రేజ్ చూసి మహేశ్‌ సన్నిహితులు.. మహేశ్‌ పుష్పను మిస్ చేసుకున్నాడు అనుకుంటున్నారట.. ఒకవేళ మహేశ్‌ పుష్పను చేసి ఉంటే ఖచ్చితంగా మహేశ్‌ కెరీర్‌లో నేలమాస్ చిత్రంగా నిలిచేదని అంటున్నారు సినీజనాలు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి