వినూత్న ప్రేమకథ ‘డానీ’

ఆశిష్‌గాంధీ, సేజల్‌ గుప్తా, సోనాల్‌సింగ్‌, అజర్‌ఖాన్‌ ముఖ్య పాత్రల్లో నటించిన చిత్రం ‘డానీ’.

ఆశిష్‌గాంధీ, సేజల్‌ గుప్తా, సోనాల్‌సింగ్‌, అజర్‌ఖాన్‌ ముఖ్య పాత్రల్లో నటించిన చిత్రం ‘డానీ’. కల్యాణ్‌జీ గోగణ దర్శకత్వంలో రిజ్వాన్‌ తెరకెక్కించారు. ఈ నెల 20న ప్రేక్షకుల ముందుకురానుంది. ఈ సందర్భంగా సోమవారం మీడియా సమావేశాన్ని నిర్వహించారు. ఇదొక విభిన్న ప్రేమకథా చిత్రమని, వైల్డ్‌..రస్టిక్‌ డ్రామాగా ఆకట్టుకుంటుందని దర్శకుడు తెలిపారు. గోవాలో ఎక్కువ భాగం చిత్రీకరణ జరిపామని, నేటి ట్రెండ్‌కు తగిన లవ్‌స్టోరీగా ఆకట్టుకుంటుందని నిర్మాత రిజ్వాన్‌ పేర్కొన్నారు. ఈ చిత్రానికి కెమెరా: ఏకే ఆనంద్‌, సంగీతం: సాయికార్తీక్‌, నిర్మాత: రిజ్వాన్‌, దర్శకత్వం: కల్యాణ్‌జీ గోగణ.