రూ.1,700 కోట్ల నిధులు పెండింగ్
తెలంగాణలో మిలిగిన ఏడు కార్పొరేషన్లతోపాటు పరిషత్ ఎన్నికల ని ర్వహణకు కాంగ్రెస్ సర్కార్ చేస్తున్న జాప్యం ఆర్థికంగా తీవ్ర నష్టాన్ని చేకూరుస్తున్నది.
- ఐదు కార్పొరేషన్లు, ఏడు మున్సిపాలిటీలుసహా
- 31 జెడ్పీలు, 565 ఎంపీపీలకు నిలిచిన ఎన్నికలు
- ఎన్నికల జాప్యంతో రాష్ర్టానికి ఆగిన కేంద్ర నిధులు
- గ్రామీణ స్థానిక సంస్థల్లో ప్రత్యేక అధికారుల పాలన
- యూఎల్బీ, పరిషత్ ఎన్నికల జాప్యంతో నిలిచిన కేంద్ర నిధులు
హైదరాబాద్, నవంబర్ 16 (నమస్తే తెలంగాణ): తెలంగాణలో మిలిగిన ఏడు కార్పొరేషన్లతోపాటు పరిషత్ ఎన్నికల ని ర్వహణకు కాంగ్రెస్ సర్కార్ చేస్తున్న జాప్యం ఆర్థికంగా తీవ్ర నష్టాన్ని చేకూరుస్తున్నది. పాలకవర్గాలు లేకపోవడంతో 5 మున్సిపల్ కార్పొరేషన్లు, 7 మున్సిపాలిటీ లు, 31 జిల్లా పరిషత్లు, 565 మండల పరిషత్లు ప్రత్యేక అధికారుల పాలనలో కొనసాగుతున్నాయి. కేంద్రం నుంచి రావాల్సిన రూ.1,700 కోట్ల నిధులు నిలిచిపోయే పరిస్థితి ఏర్పడింది. ఇప్పటికే రాష్ట్ర ఆర్థిక పరిస్థితి తీవ్ర ఆందోళనకరంగా ఉన్నది. ఖ జానా ఖాళీగా ఉండటంతో గ్రామీణ, పట్టణ ప్రాంతాల్లో ఏ అభివృద్ధి పను లు చేపట్టాలన్నా అప్పుల కోసం చేయి చాపాల్సిన పరిస్థితి ఏర్పడింది. అన్ని కార్పొరేషన్లు, మున్సిపాలిటీ లు, పరిషత్లు పాలకవర్గాలతో కొలువుదీరి ఉంటే గతంలో పెండింగ్ పడిన 15వ ఆర్థిక సంఘం నిధులతోపాటు కొత్తగా 16 వ ఆర్థిక సంఘం నిధులు కూడా వచ్చేందుకు మార్గం సుగమమయ్యేది.
కాల పరిమితి తీరిన 116 మున్సిపాలిటీలకు, 7 కార్పొరేషన్లకు ఈ ఏడాది ఫిబ్రవరిలో ఎన్నికలు ముగిశాయి. వీటికి ముందే డిసెంబర్లోనే గ్రామ పంచాయతీల ఎన్నికలు జరిగాయి. రాష్ట్రంలోని 31 జిల్లా పరిషత్లు, 565 మండల పరిషత్లు, 565 జడ్పీటీసీ, 5,673 ఎంపీటీసీ స్థానాలకు ఎన్నికలు జరుగలేదు. రెండేండ్లుగా పాలకవర్గాలు లేక ఖాళీగా ఉన్నాయి. 5 కార్పొరేషన్లు (జీహెచ్ఎంసీ, సైబరాబాద్, మలాజిగిరి, వరంగల్, ఖమ్మం), 7 మున్సిపాలిటీలు (మణుగూరు, మందమర్రి, అచ్చంపేట, సిద్దిపేట, నకిరేకల్, కొత్తూరు, జడ్చర్ల)కు కూడా ఎన్నికలు జరుగాల్సి ఉన్నది. ఎన్నికల నిర్వహణలో జాప్యం కారణంగా పాలకవర్గాలు కొలువుదీరక కేంద్రం నుంచి రా వాల్సిన నిధులు నిలిచిపోయాయి. స్థానిక సంస్థల్లో ప్రజాప్రతినిధుల పాలనకు బదులుగా అధికారుల పాలన కొనసాగుతుండటంతో సమస్యల పరిషారానికి నోచక, ప్రజలకు జవాబుదారీతనం కొరవడి, గ్రామీణ-పట్టణ అభివృద్ధిపై ప్రతికూల ప్రభావం పడుతున్నది.
నిలిచిన 800 కోట్లు నిధులు
గ్రామీణ ప్రాంతాల్లో 31 జిల్లా పరిషత్ లు, 565 మండల పరిషత్లకు ఎన్నికలు జరుగాల్సి ఉన్నది. వీటిలో చాలా సంస్థల పాలకవర్గాల పదవీకాలం 2024 జూలై 3తో ముగిసింది. అప్పటినుంచి అక్కడ ప్రత్యేక అధికారులు పాలన సాగిస్తున్నారు. జిల్లా పరిషత్, మండల పరిషత్లకు (గ్రామీణ స్థానిక సంస్థలు) ఎన్నికల నిర్వహించని కారణంగా 15వ ఆర్థిక సంఘం ద్వారా రెండేండ్ల్లలో రావాల్సిన రూ.800 కోట్ల నిధులు నిలిచిపోయినట్టు తెలుస్తున్నది. అదనంగా ఏటా కేటాయించే రూ.400 కోట్ల నిధులు కూడా వచ్చే అవకాశం ప్రశ్నార్థకంగా మారింది. 5 కార్పొరేషన్లు, 7 మున్సిపాలిటీలకు (పట్టణ స్థానిక సంస్థలు) సంబంధించి మరో రూ.500 కోట్ల కేంద్ర నిధులు నిలిచిపోయినట్టు సమాచారం. దీంతో మొత్తం రూ.1,700 కోట్ల నిధులపై ప్రభా వం పడుతున్నది.
జీహెచ్ఎంసీ పాలకవర్గం పదవీకాలం 2026 ఫిబ్రవరి 10న ముగియగా, వరంగల్, ఖమ్మం కార్పొరేషన్ల పాలకవర్గాల గడువు మేలో ముగిసిం ది. జీహెచ్ఎంసీని మూడు కార్పొరేషన్లుగా పునర్వ్యవస్థీకరించడం కూడా ఎన్నికల ప్రక్రియకు అదనపు సవాలుగా మారింది. సిద్దిపేట, అచ్చంపేట, నకిరేకల్, కొత్తూరు, మణుగూరు, మందమర్రి, జడ్చర్ల మున్సిపాలిటీల్లోనూ ఎన్నికలు నిర్వహించాల్సి ఉన్నది. డిసెంబర్లో మున్సిపల్ ఎన్నికలకు వెళ్తున్నట్టు కాంగ్రెస్ నాయకత్వం పార్టీ శ్రేణులకు సంకేతాలిచ్చినట్టు సమాచారం. పురపోరు పూర్తయిన వెంటనే జిల్లా, మండల పరిషత్ ఎన్నికలు ఒకే విడతలో నిర్వహించే అంశాన్ని పరిశీలిస్తున్నట్టు కాంగ్రెస్ సర్కారు అనుకూల మీడియాకు లీకులు ఇస్తున్నది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

