మెదడువాపుని ఎలా పసిగట్టాలి?
పిల్లల్లో మెదడువాపు సమస్య గురించి వినే ఉంటారు. మొదడులో ఇన్ఫెక్షన్ లేదా ఇన్ఫ్లమేషన్ వల్ల ఈ వ్యాధి వస్తుంది. సాధారణంగా బ్యాక్టీరియా, వైరస్, ఫంగస్ల వల్ల మెదడువాపు వస్తుంది. కొన్నిసార్లు వ్యాధి నిరోధకత వల్ల కూడా మెదడువాపు వస్తుంది. మెదడువాపు ఇన్ఫెక్షన్ సీరియస్ కండీషన్. కొంతమందిలో మెదడువాపు తీవ్రంగా ఉంటే మరణానికి దారితీస్తుంది.
పిల్లల్లో మెదడువాపు సమస్య గురించి వినే ఉంటారు. మొదడులో ఇన్ఫెక్షన్ లేదా ఇన్ఫ్లమేషన్ వల్ల ఈ వ్యాధి వస్తుంది. సాధారణంగా బ్యాక్టీరియా, వైరస్, ఫంగస్ల వల్ల మెదడువాపు వస్తుంది. కొన్నిసార్లు వ్యాధి నిరోధకత వల్ల కూడా మెదడువాపు వస్తుంది. మెదడువాపు ఇన్ఫెక్షన్ సీరియస్ కండీషన్. కొంతమందిలో మెదడువాపు తీవ్రంగా ఉంటే మరణానికి దారితీస్తుంది. దీన్నుంచి కోలుకున్న వాళ్లలో సుదీర్ఘకాలం కొన్ని అనారోగ్య సమస్యలు ఉంటాయి. బ్రెయిన్ ఇన్ఫెక్షన్ నుంచి రికవరీ అయిన తర్వాత వాళ్ల ప్రవర్తన, మాట, ఎదుగులలో ఇబ్బందులు ఉంటాయి. కాబట్టి కొంతకాలంపాటు రిహాబిలిటేషన్ కేర్ అవసరం. అలాగే వైద్యులు సూచించినంత కాలం మందులు వాడాలి.
ఎలా తెలుసుకోవాలి?
మెదడువాపుని తొందరగా గుర్తించి, సరైన వైద్యం చేయించాలి. చిన్న పిల్లలకు చాలాసార్లు జ్వరం, జలుబు వస్తాయి. మెదడువాపు వచ్చినా ఈ లక్షణాలు ఉంటాయి. కాబట్టి తల్లిదండ్రులు మెదడువాపుని పసిగట్టలేరు. మెదడువాపు ఉన్న పిల్లల్లో జ్వరం, దగ్గు, జలుబు, వాంతులు, విరేచనాలు ఉంటాయి. ఫ్లూ జ్వరం బారినపడిన పిల్లల్లోనూ ఈ లక్షణాలు ఉంటాయి. అయితే.. మెదడువాపు ఉన్న పిల్లలు మగతగా ఉంటారు. కొంతమందికి ఫిట్స్ వస్తాయి. అధిక జ్వరం వల్ల పిల్లలకు ఫిట్స్ రావొచ్చు. అంతమాత్రాన వాళ్లకు మెదడువాపు వచ్చిందని భ్రమ పడొద్దు. పిల్లలకు అధిక జ్వరం వల్ల ఫిట్స్ వచ్చి తగ్గిన తర్వాత స్పృహలోకి వస్తారు. జ్వరం తగ్గగానే చలాకీగా ఉంటారు. ఆడుకునే ప్రయత్నం చేస్తారు. అదే మెదడువాపు ఉంటే.. ఫిట్స్ తగ్గిన తర్వాత స్పృహలో ఉండరు. మెదడువాపు ఉన్న పిల్లల్లో జ్వరంతోపాటు మగత ఉంటుంది. ఎక్కువగా నిద్రపోతారు. అతిగా స్పందిస్తారు. ఎదుటివాళ్లతో సరిగా మాట్లాడలేరు.
పిల్లల్లో అధిక జ్వరంతోపాటు అధిక నిద్ర, మగత లక్షణాలు గుర్తిస్తే మెదడువాపు ఉందేమోనని అనుమానించాలి. ఆలస్యం చేయకుండా పిల్లల వైద్యులకు చూపించాలి. మెదడువాపుని త్వరగా గుర్తిస్తే సకాలంలో చికిత్స అందుతుంది. అందువల్ల దాని ప్రభావాన్ని తగ్గించవచ్చు. మెదడువాపు వచ్చిన పిల్లలకు ఐసీయూలో చికిత్స అందిస్తారు. కొందరికి వెంటిలేటర్ అవసరం పడుతుంది. న్యూరాలజీ సపోర్ట్ అవసరం. నిరంతరం ఈసీజీతో మెదడు పనితీరు పరిశీలిస్తూ ఫిట్స్ వచ్చే ప్రమాదాన్ని గుర్తిస్తారు. ఈ ఇబ్బందిని తప్పించుకోవడానికి వ్యాక్సిన్ అందుబాటులో ఉంది. క్యూలెక్స్ దోమ కుడితే వచ్చే మెదడువాపు (జపనీస్ ఎన్సెఫలైటిస్)కి వ్యాక్సిన్ అందుబాటులో ఉంది. ఒకప్పుడు మెదడువాపు బారినపడ్డవాళ్లలో జపనీస్ ఎన్సెఫలైటిస్ బాధితులే ఎక్కువగా ఉండేవారు. వ్యాక్సిన్ వచ్చిన తర్వాత మెదడువాపు బారినపడే పిల్లల సంఖ్య గణనీయంగా తగ్గింది.
డాక్టర్ అనుపమ వై.
సీనియర్ పీడియాట్రిక్ ఇంటెన్సివిస్ట్ అండ్ పీడియాట్రీషియన్
రెయిన్బో చిల్డ్రన్స్ హాస్పిటల్, హైదరాబాద్
Read Today's Latest Health News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

