shivani | రాజశేఖర్ కూతురు సినిమాపై మెగాస్టార్ చిరంజీవి ప్రశంసలు

November 23, 2021 / 09:29 PM IST

chiranjeevi, shivani rajasekhar and shivatmika

chiranjeevi praises shivani rajsekhar debut movie | కొన్ని చిన్న సినిమాలు విడుదలైనప్పుడు స్టార్ హీరోలు వాటిని చూసి ప్రశంసిస్తే.. అంతకంటే కావాల్సింది మరొకటి లేదు. దానికి మించిన ప్రమోషన్ ఆ సినిమాకు మరొకటి ఉండదు. ఇప్పుడు చిరంజీవి ఇదే చేస్తున్నాడు. ఈ మధ్య కాలంలో చాలా చిన్న సినిమాలకు ఈయన అండగా నిలుస్తున్నాడు. తనకు తోచినంత వరకు వాటికి సాయం చేస్తున్నాడు చిరంజీవి. కొన్ని సినిమాలు చూసి వాటి మీద సోషల్ మీడియాలో తన అభిప్రాయం పోస్ట్ చేస్తున్నాడు. ఇప్పుడు కూడా ఇదే చేశాడు చిరు. తేజ‌ సజ్జ హీరోగా నటించిన అద్భుతం సినిమా ఈ మధ్యే హాట్ స్టార్ డిస్నీలో విడుదలైంది.

We are extremely happy for the kind gesture of Mega Star @KChiruTweets encouraging our movie 💥😍

Watch on #DisneyPlusHotstarMultiplex
▶️https://t.co/SFCmVouAsL

@DisneyPlusHS #AdbhutamOnHotstar @tejasajja123 @Rshivani_1 @MahatejaC @SOriginals1 @MallikRam99 @PrasanthVarma pic.twitter.com/DMnRlIHuzP
— Mahaateja Creations (@MahatejaC) November 23, 2021

దీనికి మంచి టాక్ వచ్చింది. నావెల్ కాన్సెప్ట్ తీసుకున్నారు.. కాకపోతే తీసిన విధానం మాత్రం అంతగా ఆకట్టుకోలేదు అంటూ విశ్లేషకులు తమ అభిప్రాయాలు తెలిపారు. ఓవరాల్‌గా సినిమా మాత్రం బాగానే ఉంది.. ఒకసారి చూడొచ్చు అనే అభిప్రాయం అందరి నుంచి వచ్చింది. తాజాగా మెగాస్టార్ చిరంజీవి సినిమా చూసి అద్భుతంగా ఉంది అంటూ మెచ్చుకున్నాడు. సినిమా యూనిట్‌ను ప్రశంసలతో ముంచెత్తాడు. దర్శకుడు మల్లిక్ రామ్ కచ్చితంగా నెక్స్ట్ లెవెల్‌కు వెళ్తాడు అంటూ తెలిపాడు. ఇక జూనియర్ ఇంద్ర తేజ సజ్జ నటన సూపర్ అంటూ మెచ్చుకున్నాడు చిరంజీవి. ఈ సినిమాలో హీరోయిన్‌గా రాజశేఖర్ కూతురు శివాని నటించింది. ఈమె నటించిన తొలి తెలుగు సినిమా ఇదే. శివాని నటన గురించి చెబుతూ తెరపై ఎంతో అందంగా ఉండట‌మే కాదు.. అద్భుతంగా నటించింది అంటూ శివానిని మెచ్చుకున్నాడు మెగాస్టార్. నీకు అద్భుతమైన భవిష్యత్తు ఉందమ్మా అంటూ శివానిని నిండు మనసుతో ఆశీర్వదించాడు చిరంజీవి. ఇండస్ట్రీలో చిరంజీవి, రాజశేఖర్ మధ్య ఉన్న వైరం గురించి అందరికీ తెలిసిందే. అవేమీ పట్టించుకోకుండా రాజశేఖర్ కూతురు గురించి అద్భుతమైన మాటలు చెప్పాడు మెగాస్టార్. ఈయన ట్వీట్ చూసిన తర్వాత తేజ సజ్జ, శివాని రాజశేఖర్ కూడా గాల్లో తేలిపోతున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి