Puneeth Rajkumar Career | బాల‌న‌టుడిగా అవార్డులు..స్టార్ హీరోగా రికార్డులు

కన్నడ లెజెండరీ యాక్టర్ రాజ్‌కుమార్ (Dr. Rajkumar) కుమారుడిగా శాండల్‌వుడ్ (Sandalwood)కు ఎంట్రీ ఇచ్చి త‌న టాలెంట్‌తో ప‌వ‌ర్ స్టార్‌గా ఎదిగాడు పునీత్ రాజ్ కుమార్.

October 29, 2021 / 04:42 PM IST

Puneeth Rajkumar Career | బాల‌న‌టుడిగా అవార్డులు..స్టార్ హీరోగా రికార్డులు

కన్నడ లెజెండరీ యాక్టర్ రాజ్‌కుమార్ (Dr. Rajkumar) కుమారుడిగా శాండల్‌వుడ్ (Sandalwood)కు ఎంట్రీ ఇచ్చి త‌న టాలెంట్‌తో ప‌వ‌ర్ స్టార్‌గా ఎదిగాడు పునీత్ రాజ్ కుమార్. కోట్లాదిమంది అభిమానుల‌ను సంపాదించుకు్న పునీత్‌రాజ్‌కుమార్ హ‌ఠాన్మ‌ర‌ణంతో అంద‌రినీ తీవ్ర దిగ్భ్రాంతికిలోను చేసింది.

పునీత్‌రాజ్‌కుమార్ (Puneeth Rajkumar) 17 మార్చి 1975లో చెన్నైలో రాజ్‌కుమార్‌, పార్వ‌త‌మ్మ రాజ్‌కుమార్ దంప‌తుల‌కు జ‌న్మించాడు. వీరికి ఐదుగురు సంతానం కాగా..పునీత్ రాజ్‌కుమార్ అంద‌రికంటే చిన్న‌వాడు (ఐదో సంతానం). పునీత్ సోద‌రుడు శివ‌రాజ్‌కుమార్ కూడా పాపుల‌ర్ యాక్ట‌ర్. పునీత్ రాజ్‌కుమార్ ను క‌న్న‌డ సినీ ప్రేక్ష‌కులు అప్పు (Appu)అని పిలుచుకుంటారు. న‌టుడిగా, ప్లే బ్యాక్ సింగ‌ర్‌గా, టెలివిజ‌న్ ప్ర‌జెంట‌ర్‌గా, నిర్మాత‌గా క‌న్న‌డ చిత్రాలు చేసిప‌వ‌ర్‌స్టార్‌గా పాపులారిటీ తెచ్చుకున్నారు. పునీత్ రాజ్‌కుమార్ మంచి డ్యాన్స‌ర్ కూడా.

బాల‌న‌టుడిగా కెరీర్ మొద‌లుపెట్టి..
బాల‌న‌టుడిగా కెరీర్‌ను మొద‌లుపెట్టాడు పునీత్ రాజ్‌కుమార్. వ‌సంత గీత‌, భాగ్య‌వంత‌, చ‌లిసువ మొద‌గ‌లు, ఎర‌డు న‌క్ష‌త్ర‌గ‌లు, భ‌క్త ప్ర‌హ్లాద‌, బెట్ట‌డ హూవు చిత్రాల్లో న‌టించాడు. బెట్ట‌డ హూవు చిత్రానికి ఉత్త‌మ బాల‌న‌టుడిగా జాతీయ అవార్డు అందుకున్నాడు. చ‌లిసువ మొద‌గ‌లు చిత్రాని్ని క‌ర్నాట‌క ప్ర‌భుత్వం అందించే ఉత్త‌మ చైల్డ్ ఆర్టిస్టు అవార్డు అందుకున్నాడు.

2002లో అప్పు సినిమాతో హీరోగా మొద‌టిసారే క‌మ‌ర్షియ‌ల్ సక్సెస్‌ను అందుకున్నాడు. ఈ సినిమా ఇచ్చిన గుర్తింపుతో పునీత్ రాజ్‌కుమార్ ను అంద‌రూ ముద్దుగా అప్పు పిలుచుకుంటారు. ఆ త‌ర్వాత అభి, వీర క‌న్న‌డిగ‌, ఆకాశ్‌, అజ‌య్, అర‌సు, మిలానా, వంశి, రామ్‌, జాకీ హుడుగారు, రాజ‌కుమార, అంజ‌నీపుత్ర సినిమాల‌తో రికార్డుల మోత మోగించి..క‌న్న‌డ సినీప‌రిశ్ర‌మ‌లో అత్య‌ధిక రెమ్యున‌రేష‌న్ తీసుకుంటున్న సెల‌బ్రిటీల్లో టాప్‌లో నిలిచాడు.

గేమ్ షోకు ప్ర‌జెంట‌ర్‌గా..
2012లో క‌న్న‌డ టీవీ గేమ్ షో కోట్యాధిప‌తి (Who Wants to Be a Millionaire?)తో టీవీ హోస్ట్‌గా వ్య‌వ‌హ‌రించారు. ప్ర‌స్తుతం పునీత్ రాజ్‌కుమార్ హీరోగా న‌టిస్తున్న‌ జేమ్స్, ద్విత్వ చిత్రాలు సెట్స్‌పై ఉన్నాయి. నిర్మాత‌గా Family Pack, One Cut Two Cut An Flower is Came ప్రాజెక్టులు చేస్తున్నారు.