భారత్ తరపున ఆస్కార్లో అధికారిక ఎంట్రీ దక్కించుకున్న గుజరాతీ చిత్రం ‘ఛెల్లో షో’లోని బాలుర బృందంలో ఒకరిగా కీలక పాత్రను పోషించిన పదేళ్ల రాహుల్ కోలి ఈ నెల 2వ తేదీన కన్నుమూసినట్లు అతని కుటుంబ సభ్యులు వెల్లడించారు. తన కుమారుడు రాహుల్ కొద్ది మాసాలుగా కేన్సర్తో బాధపడుతున్నాడని, జామ్నగర్ దగ్గరలోని తమ సొంత గ్రామం హపాలో తుది శ్వాస విడిచాడని అతని తండ్రి రాము కోలి తెలిపారు. ‘ఛెల్లో షో’ చిత్రం ఈ నెల 14న ప్రేక్షకుల ముందుకురానుంది. సినిమా విడుదలకు రెండు రోజుల ముందు బాల నటుడు రాహుల్ కోలి మరణంతో చిత్ర బృందం విషాదంలో మునిగిపోయింది. సినిమాను అమితంగా ప్రేమించే తొమ్మిదేళ్ల బాలుడి కథతో ‘ఛెల్లో షో’ చిత్రాన్ని తెరకెక్కించారు. నళిన్ పాన్ దర్శకత్వం వహించారు. సినిమాలోని ఆరుగురు బాలుర బృందంలో రాహుల్ ఒకరిగా నటించారు. ‘ఛెల్లో షో’ ఈ నెల ‘లాస్ట్ ఫిల్మ్ షో’ పేరుతో ఇంగ్లీష్లో విడుదల కాబోతున్నది.