మినియేచర్ డాల్ హౌస్ కిట్ బాక్స్.. అరచేతిలో అందమైన ప్రపంచం
అరచేతిలో ఇమిడిపోయే ఓ చిన్న పెట్టెలో ఓ అందమైన ఇంటిని, పూలతోటను, పుస్తకాల దుకాణాన్ని, రెస్టారెంట్ను లేదా ఓ పల్లెటూరి వీధినీ సృష్టించుకోవచ్చు. ‘మినియేచర్ డాల్ హౌస్ కిట్ బాక్సు’లుగా పిలిచే ఇవి హోమ్ డెకార్, క్రాఫ్ట్ ప్రియుల్ని, చిన్నారులను ఆకర్షిస్తున్నాయి. వీటి గురించి తెలుసుకుందాం.
చిన్న పెట్టెలో… అందాల ప్రపంచం!
అక్కడ ఒక అందమైన పూలతోట, ముచ్చటైన ఇల్లు, దాని ముందు చిన్న చిన్న కుర్చీలు, అటూ ఇటూ తిరిగే మనుషులు… మరో చోట గులాబీ రంగులో విరగబూసిన చెర్రీ బ్లాసమ్ చెట్ల మధ్య ఆకట్టుకునే వీధి దృశ్యం! ఇవన్నీ నిజమైన ప్రదేశాలు కావు. మనుషులు వెళ్లగలిగినవి అంతకన్నా కాదు. మన చేతులతో రూపుదిద్దుకునే చూడచక్కని సూక్ష్మ ప్రపంచాలు. ‘మినియేచర్ డాల్ హౌస్ కిట్ బాక్సు’లుగా పిలిచే ఇవి ప్రస్తుతం హోమ్ డెకార్, క్రాఫ్ట్ ప్రియుల్ని ఆకర్షిస్తున్నాయి. పిల్లలకూ తెగ నచ్చేస్తున్నాయి.
చిన్నతనంలో బొమ్మరిల్లు కట్టుకోవడం గుర్తుందా? ఆ జ్ఞాపకాలకు ఆధునిక కళాత్మకతను జోడిస్తే వచ్చే రూపమే ఈ మినియేచర్ డాల్ హౌస్ కిట్ బాక్సులు. అరచేతిలో ఇమిడిపోయే ఓ చిన్న పెట్టెలో ఓ అందమైన ఇంటిని, పూలతోటను, పుస్తకాల దుకాణాన్ని, రెస్టారెంట్ను లేదా ఓ పల్లెటూరి వీధినీ సృష్టించుకోవచ్చు. చూస్తే ఏదో బొమ్మల ప్రపంచంలోకి తొంగిచూస్తున్న అనుభూతి కలుగుతుంది. ముఖ్యంగా ప్రతి చిన్న వస్తువునూ మన చేతులతో అమర్చుకుంటూ ఓ కొత్త ప్రపంచాన్ని నిర్మించుకోవడమే ఇందులోని ప్రత్యేకత.

Miniature Dollhouse
మనమే చేసుకోవచ్చు
సాధారణంగా వీటిని మినియేచర్ డాల్ హౌస్ కిట్స్ లేదా బాక్స్ థియేటర్ కిట్స్ అంటారు. పేరుకు తగ్గట్టుగానే ఒక చిన్న మెటల్ లేదా టిన్ పెట్టె లోపల ఓ త్రిమితీయ దృశ్యాన్ని రూపొందించుకునేలా వీటిని డిజైన్ చేస్తారు. మూసి ఉంచినప్పుడు అందమైన పెట్టెలా కనిపించే దీన్ని తెరవగానే ఓ సూక్ష్మ ప్రపంచం ఆవిషృతమవుతుంది. లావెండర్ పూలతోటలో అందమైన ఇల్లు, చెర్రీ బ్లాసమ్స్ చెట్ల మధ్య చిన్న దుకాణాలు, పుస్తకాలతో నిండిన గ్రంథాలయం.. ఇలా ఒకో కిట్కు ఒకో థీమ్ ఉంటుంది. ఇందులోని మరో విశేషం ఏమిటంటే ఇవి, మనమే తయారుచేసుకోవాల్సిన డీఐవై (డూ ఇట్ యువర్ సెల్ఫ్) కిట్లు. చిన్న చిన్న చెక ముకలు, కాగితపు అలంకరణలు, వస్త్ర భాగాలు, ప్లాస్టిక్ ఉపకరణాలు, ఫర్నిచర్, చిట్టి బొమ్మలు ఇలా ఎన్నో భాగాలు ఉంటాయి. సూచనల పుస్తకంలో ఇచ్చిన క్రమాన్ని అనుసరిస్తూ ఒకో భాగాన్ని జాగ్రత్తగా అమర్చాలి. కొన్ని మాడళ్లలో చిన్న ఎల్ఈడీ లైట్లు కూడా ఉంటాయి. వాటిని వెలిగిస్తే రాత్రివేళ ఆ చిన్న ఇల్లు మరింత అందంగా మెరిసిపోతుంది.
మినియేచర్ డాల్హౌస్ తయారు చేయడం కేవలం సరదా మాత్రమే కాదు. ఏకాగ్రత, సహనం, సూక్ష్మ విషయాలను గమనించే నైపుణ్యాన్ని పెంపొందించుకునే సృజనాత్మక చిన్న ప్రక్రియ. అయితే వీటిలోని అతి చిన్న భాగాల కారణంగా చిన్నపిల్లలు పెద్దల పర్యవేక్షణలోనే అమర్చాలి. వయోపరిమితి కూడా కిట్ మీద ముందే రాస్తారు. మొత్తానికి.. పెద్ద ఇల్లు కట్టడానికి స్థలం, డబ్బు అవసరం కావచ్చు. కానీ, ఓ అందమైన సూక్ష్మ ప్రపంచాన్ని సృష్టించడానికి కావాల్సిందల్లా అరచేయంత పెట్టె మాత్రమే అన్నమాట!

Miniature Dollhouse 1

Miniature Dollhouse 2
Read Today's Latest Sunday News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

