వాస్తు పాత్ర గుర్తింపు తెస్తుంది

‘నాకు ఇష్టమైన దర్శకుల్లో తరుణ్‌భాస్కర్‌ ఒకరు. ఆయన సినిమాలు సహజత్వానికి దగ్గరగా ఉంటాయి. ఆయన దర్శకత్వంతో వర్క్‌ చేయాలని ఎప్పటి నుంచో అనుకుంటున్నా. ఈ సినిమాతో ఆ కోరిక తీరింది’ అన్నారు నటుడు చైతన్య రావు.

‘నాకు ఇష్టమైన దర్శకుల్లో తరుణ్‌భాస్కర్‌ ఒకరు. ఆయన సినిమాలు సహజత్వానికి దగ్గరగా ఉంటాయి. ఆయన దర్శకత్వంతో వర్క్‌ చేయాలని ఎప్పటి నుంచో అనుకుంటున్నా. ఈ సినిమాతో ఆ కోరిక తీరింది’ అన్నారు నటుడు చైతన్య రావు. స్వీయ దర్శకత్వంలో తరుణ్‌భాస్కర్‌ నటిస్తున్న చిత్రం ‘కీడా కోలా’ నవంబర్‌ 3న ప్రేక్షకుల ముందుకురానుంది.

ఇందులో చైతన్యరావు వాస్తు అనే ప్రధాన పాత్రను పోషించారు. ఈ సందర్భంగా చైతన్యరావు మాట్లాడుతూ ‘ఈ సినిమాలో నేను టూరెట్‌ సిండ్రోమ్‌తో బాధపడే వ్యక్తిగా కనిపిస్తా. నత్తి మాట్లాడటం, ఒక్కసారి మాటలు మధ్యలో ఆగిపోవడం ఈ సిండ్రోమ్‌ లక్షణాలు. ఈ పాత్ర కోసం చాలా కసరత్తులు చేశాను. చాలా సహజసిద్ధంగా నటించేందుకు ప్రయత్నించా. ఇందులో నా క్యారెక్టర్‌ పేరు వాస్తవ్‌. అయితే నత్తి సమస్య ఉంది కాబట్టి తన పేరును షార్ట్‌గా ‘వాస్తు’ అని చెబుతుంటాడు. నా కెరీర్‌లో గుర్తుండిపోయే పాత్ర అవుతుంది’ అని చెప్పారు.