Bramayugam Movie | తెలుగులో మమ్ముట్టి ‘భ్రమయుగం’.. రిలీజ్ డేట్ ఫిక్స్

Bramayugam Movie | మలయాళ మెగాస్టార్ మమ్ముట్టి (Mammootty) ప్రధాన పాత్రలో న‌టించిన తాజా పాన్ ఇండియన్ థ్రిల్లింగ్ చిత్రం ‘భ్రమయుగం’ (Bramayugam). ఈ సినిమాకు భూత‌కాలం ఫేమ్ రాహుల్‌ సదాశివన్ దర్శకత్వం వ‌హించారు.. వైనాట్ స్టూడియోస్ సమర్పిస్తోన్న ఈ చిత్రానికి నైట్ షిఫ్ట్ స్టూడియోస్ బ్యానర్‌పై చక్రవర్తి రామచంద్ర అండ్ ఎస్. శశికాంత్ నిర్మించారు. ఫిబ్ర‌వ‌రి 15న మ‌ల‌యాళంలో విడుద‌లైన ఈ చిత్రం బాక్సాఫీస్ వ‌ద్ద పాజిటివ్ టాక్‌తో దూసుకుపోతుంది.

Bramayugam Movie | మలయాళ మెగాస్టార్ మమ్ముట్టి (Mammootty) ప్రధాన పాత్రలో న‌టించిన తాజా పాన్ ఇండియన్ థ్రిల్లింగ్ చిత్రం ‘భ్రమయుగం’ (Bramayugam). ఈ సినిమాకు భూత‌కాలం ఫేమ్ రాహుల్‌ సదాశివన్ దర్శకత్వం వ‌హించారు.. వైనాట్ స్టూడియోస్ సమర్పిస్తోన్న ఈ చిత్రానికి నైట్ షిఫ్ట్ స్టూడియోస్ బ్యానర్‌పై చక్రవర్తి రామచంద్ర అండ్ ఎస్. శశికాంత్ నిర్మించారు. ఫిబ్ర‌వ‌రి 15న మ‌ల‌యాళంలో విడుద‌లైన ఈ చిత్రం బాక్సాఫీస్ వ‌ద్ద పాజిటివ్ టాక్‌తో దూసుకుపోతుంది. ముఖ్యంగా ఈ సినిమా చూసిన ప్రేక్ష‌కులు మూవీపై ప్ర‌శంస‌లు కురిపిస్తున్నారు. చాలా రోజుల‌కు బ్లాక్ అండ్ వైట్ థీమ్‌లో సినిమా చూశామని చెబుతున్నారు. అయితే ఈ చిత్రం మ‌ల‌యాళంలో క‌లెక్ష‌న్ల ప‌రంగా దూసుకుపోతున్న తెలుగు వెర్ష‌న్ మాత్రం ఇంకా విడుద‌ల కాలేదు. ఈ సినిమా తెలుగులో ఎప్పుడు విడుద‌ల‌వుతుందా ఎప్పుడెప్పుడు చూద్దామా అంటూ తెలుగు సినీ ల‌వ‌ర్స్ ఆతృతగా ఎదురుచూస్తున్నారు.

అయితే ఈ క్ర‌మంలోనే వారికి గుడ్ న్యూస్ అందించింది తెలుగు నిర్మాణ సంస్థ సితార ఎంట‌ర్‌టైన‌మెంట్స్. ఈ సినిమా తెలుగు హక్కుల‌ను సితార ఎంట‌ర్‌టైన‌మెంట్స్ ద‌క్కించుకున్న‌ట్లు ప్ర‌క‌టించింది. దీనితో పాటు విడుద‌ల తేదీని కూడా అనౌన్స్ చేసింది. ఈ సినిమాను తెలుగులో ఫిబ్ర‌వ‌రి 23న విడుద‌ల చేయ‌నున్న‌ట్లు ప్ర‌క‌టించింది.

We are extremely happy to announce that we will be releasing the recent blockbuster of Legendary actor, our @mammukka‘s #Bramayugam (Telugu) in AP & TS💥

▶️ https://t.co/r6jYO7xh0Z

Come dwell into a never-before horror experience from 23rd February at a theatre near you.🔥… pic.twitter.com/Nxqfa3dmNx

— Sithara Entertainments (@SitharaEnts) February 19, 2024

రీసెంట్‌గా ఈ సినిమా ట్రైల‌ర్ విడుద‌ల చేయ‌గా.. ట్రైల‌ర్ చూస్తే.. హారర్ థ్రిల్లర్ అని తెలుస్తుంది. పాచికలు గేమ్ ఆడుతూ.. ఒక పాడుబడిన ఇంట్లో బంధించబడి.. అక్కడి నుంచి తప్పించుకునేందుకు దారి దొరక్క అల్లాడుతున్న వ్యక్తుల క‌థ ఈ సినిమా స్టోరి అని తెలుస్తుంది. ఇక ట్రైల‌ర్ మొత్తం “ఇవి పావులు.. ఇవి రెండూ పాచికలు పడ్డ సంఖ్యను బట్టి పావుని జరపాలి. ముందు ఇక్కడికి చేరిన వాళ్లు గెలిచినట్లు అర్థం. దానికి భాగ్యం ఉండాలి” అనే డైలాగ్ నే మార్చి మార్చి చెప్పారు.