Sanjay Gupta on Bollywood | ఆర్య‌న్ కేసుపై ‘బాలీవుడ్’ నిశ్శ‌బ్దం అవ‌మాన‌క‌రం : సంజ‌య్‌ గుప్తా

క్రూయిజ్ షిప్ డ్ర‌గ్స్ కేసు (Aryan Khan drug case)లో బాలీవుడ్ (Bollywood) స్టార్ హీరో షారుక్‌ఖాన్ కుమారుడు ఆర్య‌న్ ఖాన్ అరెస్టై..జైల్లో ఉన్న సంగ‌తి తెలిసిందే.

క్రూయిజ్ షిప్ డ్ర‌గ్స్ కేసు (Aryan Khan drug case)లో బాలీవుడ్ (Bollywood) స్టార్ హీరో షారుక్‌ఖాన్ కుమారుడు ఆర్య‌న్ ఖాన్ అరెస్టై..జైల్లో ఉన్న సంగ‌తి తెలిసిందే. ఈ వ్య‌వ‌హారంలో షారుక్‌ఖాన్ (Shah Rukh Khan)పై ట్రోల్స్ చేస్తున్న వారు కొంద‌రైతే..స‌పోర్టుగా నిలుస్తున్నవారు మ‌రికొంద‌రు. ఇప్ప‌టికే షారుక్‌కు స‌ల్మాన్‌, హృతిక్ రోష‌న్ మ‌ద్ద‌తు తెలిపారు. తాజాగా మ‌రో సెల‌బ్రిటీ షారుక్‌కు మ‌ద్ద‌తుగా నిలిచారు. ఫిల్మ్ మేక‌ర్ సంజ‌య్ గుప్తా (Sanjay Gupta) ట్వీట్ ద్వారా త‌న మ‌ద్ద‌తు తెలియ‌జేశాడు.

ఆర్య‌న్ ఖాన్ అరెస్టైన‌ప్పటి నుంచి సినీ ప‌రిశ్ర‌మ‌కు చెందిన ప్ర‌ముఖులు నిశ్శ‌బ్దంగా ఉండ‌టంపై ట్వీట్ ద్వారా ప్ర‌శ్నించారు సంజ‌య్ గుప్తా. షారుక్‌ఖాన్ సినీ ప‌రిశ్ర‌మ‌లో ఎంతోమందికి ఉపాధి క‌ల్పించ‌డంతోపాటు చాలా మందికి ఉద్యోగాలు ఇప్పించారు. సినీ ప‌రిశ్ర‌మ‌కు సంబంధించిన‌ ప్ర‌తీ విష‌యంలో షారుక్ ముందుంటారు. షారుక్ సంక్షోభ ప‌రిస్థితుల్లో ఉన్న ఇలాంటి స‌మ‌యంలో సినీ ప‌రిశ్ర‌మ నిశ్శ‌బ్దంగా ఉండ‌టమంత అవ‌మాన‌క‌ర‌మైన విష‌యం మ‌రొక‌టి లేద‌ని ట్వీట్‌లో పేర్కొన్నారు.

Shahrukh Khan has and continues to give jobs and livelihoods to thousands in the film industry.
He has always stood up for every cause for the film industry.
And the astute silence of the same film industry in his moment of crisis is nothing short of SHAMEFUL.

— Sanjay Gupta (@_SanjayGupta) October 25, 2021

బాలీవుడ్ సెల‌బ్రిటీలు ట్వింకిల్ ఖన్నా, హన్సల్ మెహతా, స్వర భాస్కర్, పూజా భట్ షారుక్‌కు మద్దతు ఇచ్చిన వారిలో ఉండగా..చాలా మంది పెద్ద‌లు దీనిపై సైలెంట్‌గా ఉన్నారు. మ‌రి రానున్న రోజుల్లో బాలీవుడ్ పెద్ద‌లెవ‌రైనా ఈ విష‌యంపై స్పందిస్తారేమో చూడాలి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇది కూడా చూడండి

Charmy Kaur | యాక్టింగ్‌లోకి రీఎంట్రీపై ఛార్మీ ఏమన్న‌దంటే..?

Rakul Preet Singh | ర‌కుల్‌ప్రీత్ సింగ్ కొత్త యోగాసనం

Pramod: ముంబైలో పూరీని చూసి ఏడ్చేసిన అభిమాని