Bigg Boss Telugu 8 | నాగ మణికంఠకు ఇంటినుంచి ఫుడ్.. ఎమోష‌న‌ల్‌గా బిగ్‌బాస్ కొత్త ప్రోమో

Bigg Boss Telugu 8 | బుల్లితెర రియాలిటీ షో బిగ్ బాస్ తెలుగు ఐదోవారంకు చేరుకుంది. గ‌తవారం హౌజ్ నుంచి సోనియా ఆకుల ఎలిమినేట్ అయిన విషయం తెలిసిందే. హౌస్‌మేట్స్‌తో ప్రేక్ష‌కులు అనుకున్న‌ట్లుగానే ఆమెను హౌస్ నుంచి బ‌య‌ట‌కు పంపిచేశాడు బిగ్ బాస్.

Bigg Boss Telugu 8 | బుల్లితెర రియాలిటీ షో బిగ్ బాస్ తెలుగు ఐదోవారంకు చేరుకుంది. గ‌తవారం హౌజ్ నుంచి సోనియా ఆకుల ఎలిమినేట్ అయిన విషయం తెలిసిందే. హౌస్‌మేట్స్‌తో ప్రేక్ష‌కులు అనుకున్న‌ట్లుగానే ఆమెను హౌస్ నుంచి బ‌య‌ట‌కు పంపిచేశాడు బిగ్ బాస్. ప్ర‌స్తుతం హౌస్‌లో 9 మంది ఉన్నారు. వారిలో ఒకరు ఈ శనివారం ఇంటికి వెళ్లనున్నారు. అయితే ఈ వారం వైల్డ్ కార్డు ఎంట్రీలు ఉండ‌బోతున్న‌ట్లు నాగార్జున అప్‌డేట్ ఇచ్చిన విష‌యం తెలిసిందే. వైల్డ్ కార్డు ద్వారా ఆరుగురు హౌస్‌లోకి ఎంట్రీ ఇవ్వ‌బోతున్న‌ట్లు సమాచారం.

ఇదిలావుంటే తాజాగా ఈ రోజుకు సంబంధించిన ప్రోమోను విడుద‌ల చేశారు బిగ్ బాస్ నిర్వ‌హాకులు. అయితే ఈ ప్రోమోలో హౌజ్​మేట్స్​ అందరినీ ఒక్కొక్కరిగా కన్ఫెషన్​ రూమ్​కు ర‌మ్మ‌ని పిలిచాడు బిగ్ బాస్. అయితే య‌ష్మి కన్ఫెషన్​ రూమ్​కు వెళ్లిన అనంత‌రం ఆమెను అడుగుతూ.. మీకు హౌస్‌లో న‌చ్చిన‌వారు ఎవ‌రు అని అడుగుతాడు. దానికి య‌ష్మి పృథ్వీ అలాగే నిఖిల్ అని స‌మాధానమిస్తుంది. ఆ త‌ర్వాత మ‌ణికంఠ‌ను అడుగగా.. న‌బీల్ అని చెబుతాడు. అయితే ఈ టాస్క్ అనంత‌రం కన్ఫెషన్​ రూమ్‌లో ఉన్న య‌ష్మిని త‌న ఎదురుగా ఉన్న క్లాత్​ తీయమని అడుగుతాడు. ఆ క్లాత్ తీయగానే అందులో నిఖిల్‌తో పాటు మ‌ణికంఠ‌కు ఇంటి నుంచి ఫుడ్​ వచ్చిందని, దానితో పాటు ఓ మెసేజ్​ కూడా వచ్చినట్లు చెప్పారు​. అయితే మ‌ణికంఠ బిగ్ బాస్ చెప్పింది విని ప్రియా(మ‌ణికంఠ భార్య‌) ఇండియాకు వ‌చ్చిందా అని షాక్ అవుతాడు.

అయితే బిగ్ బాస్ య‌ష్మిని ఆ ఇద్దరిలో ఫుడ్​ ఎవరికి ఇవ్వాలనుకుంటున్నారో చెప్పాలన్నాడు. అయితే య‌ష్మి మాత్రం నేను నిఖిల్‌కు మాత్ర‌మే ఇస్తాన‌ని చెబుతుంది. దీంతో మణికంఠ ప్లీజ్​ యష్మీ అంటూ రిక్వెస్ట్​ చేయ‌డం కనిపిస్తుంది. పైగా బిగ్​బాస్​ కూడా మణికంఠ గురించి ఏం ఆలోచించాలనుకోవడం లేదా అంటూ యష్మీతో అన్నా.. సారీ బిగ్​బాస్​.. నేను నిఖిల్​కే ఇస్తా అని చెప్పేసింది. అయితే ఈ మాట‌లు విన్న నాగ మణికంఠ.. యష్మీ ఐ నీడ్​ దట్​ మెసేజ్​ అంటూ ఎమోషనల్​ అయ్యాడు. ప్ర‌స్తుతం ఇందుకు సంబంధించిన ప్రోమో వైర‌ల్‌గా మారింది.