Uorfi Javed | బిగ్బాస్ టీవీ షోతో గుర్తింపు తెచ్చుకుంది టీవీ నటి ఉర్ఫీ జావెద్. వచ్చిన పాపులారిటీని సరిగ్గా వాడుకోలేకపోయినప్పటికీ.. వివాదాస్పద వ్యాఖ్యలు, డ్రెస్సులతో ఎప్పుడూ వార్తల్లో నిలుస్తూనే ఉంది. తన డ్రెస్సింగ్ విషయంలో ఇటీవల కేసులను కూడా ఎదుర్కొన్న ఉర్ఫీ జావెద్కు ఇప్పుడు కొత్త సమస్య వచ్చి పడింది. ఆమెకు ముంబైలో ఎవరూ ఇల్లు కిరాయికి ఇవ్వడం లేదట. ఈ విషయాన్ని సోషల్ మీడియా ద్వారా చెప్పుకుంటూ విచారం వ్యక్తం చేసింది ఈ బిగ్బాస్ బ్యూటీ ఉర్ఫీ జావెద్.
‘ నేను వేసుకునే డ్రెస్సులు చూసి ముస్లిం ఓనర్లు ఇల్లు కిరాయికి ఇవ్వడం లేదు. నేను ముస్లిం కాబట్టి హిందూ ఓనర్లు ఇల్లు రెంట్కి ఇవ్వడం లేదు. కొంతమందేమో నాకు వస్తున్న రాజకీయ బెదిరింపులను చూసి భయపడుతున్నారు. మొత్తానికి నాకు ముంబై నగరంలో అద్దెకు అపార్ట్మెంట్ దొరకడం చాలా కష్టంగా మారింది’ అంటూ ఉర్ఫీ జావెద్ తన ట్విట్టర్ ఖాతాలో రాసుకొచ్చింది. ఇది చూసిన ఓ నెటిజన్ నేను కూడా ఇలాంటి పరిస్థితినే ఎదుర్కొంటున్నా.. మీకు త్వరలోనే ఇల్లు దొరకాలని ఆశిస్తున్నా అంటూ కామెంట్పెట్టాడు. దీనికి ఉర్ఫీ మళ్లీ స్పందించింది. అవును ప్రతిసారి ఇలాగే జరుగుతుంది. నాలాంటి ముస్లిం, సింగిల్కు ఇల్లు దొరకడం ఎప్పుడూ అసాధ్యమే అంటూ రిప్లై ఇచ్చింది.
Kangana Ranaut | కంగనా రనౌత్ బ్యాక్ టు ట్విట్టర్.. ఎమర్జెన్సీ అప్డేట్