Visit:
Bhola Shankar Movie Songs | ఎనిమిదేళ్ల క్రితం తమిళంలో బంపర్‌ హిట్టయిన వేదాళం సినిమాను చిరు భోళా శంకర్‌గా రీమేక్‌ చేస్తున్నాడు. వాల్తేరు వీరయ్య వంటి మాస్సీవ్ కంబ్యాక్ తర్వాత చిరు ఈ రీమేక్‌తో ప్రేక్షకుల ముందుకు రావడానికి సిద్ధమయ్యాడు. ఇప్పటికే రిలీజైన ప్రచార చిత్రాలు, పాటల కాస్త మంచి హైప్ నే తీసుకొచ్చాయి. మెహర్ రమేష్ దర్శకత్వం వహిస్తున్న ఈ సినిమా ఇటీవలే షూటింగ్‌ పూర్తి చేసుకుంది. ప్రస్తుతం ప్యాచ్‌ వర్క్‌లలో బిజీగా ఉంది. ఈ సినిమాపై మెగా అభిమానులు అమితాసక్తితో ఎదురు చూస్తున్నారు. దానికి తోడు ఇటివలే రిలీజైన టీజర్‌ మెగా అభిమానులను తెగ ఆకట్టుకుంది. మరో నెల రోజుల్లో విడుదల కాబోతున్న ఈ సినిమాపై జనాల్లో ఇంట్రెస్ట్‌ క్రియేట్‌ చేసేందుకు మేకర్స్‌ బ్యాక్‌ టు బ్యాక్‌ అప్‌డేట్లు ప్రకటిస్తున్నారు.
తాజాగా మేకర్స్‌ ఈ సినిమా సెకండ్ సింగిల్ ప్రోమోను రిలీజ్‌ చేశారు. జం జం జజ్జనక అంటూ సాగే సెలబ్రేషన్‌ సాంగ్‌ ఊర్రూతలూగిస్తుంది. మహతి స్వరసాగర్‌ క్యాచీ ట్యూన్‌ను డిజైన్‌ చేసినట్లు తెలుస్తుంది. ఇక ఈ ప్రోమోలో చిరుతో కలిసి సుశాంత్‌, కీర్తి సురేష్‌, తమన్నా స్టెప్పులేశారు. ప్రోమో చాలా కలర్‌ఫుల్‌గా, గ్రాండియర్‌గా కనిపిస్తుంది. ఇక ఇప్పటికే రిలీజైన భోళా మేనియా ఇన్‌స్టాంట్గా ఎక్కేసింది. సోషల్‌ మీడియాలోనూ ఈ పాట రీల్స్, షార్ట్స్‌ల రూపంలో ఊపేస్తుంది. యాక్షన్‌ ఎంటర్‌టైనర్‌గా తెరకెక్కిన ఈ సినిమాలో కీర్తి సురేష్‌ చిరుకు చెల్లెలిగా కనిపించనుంది. తమన్నా హీరోయిన్‌గా నటించింది.
