ఎన్‌పీ ఎస్‌ స్వస్థ్య స్కీమ్‌

పెన్షన్‌ ఫండ్‌ రెగ్యులేటరీ అండ్‌ డెవలప్‌మెంట్‌ అథారిటీ (పీఎఫ్‌ఆర్డీఏ).. నేషనల్‌ పెన్షన్‌ సిస్టమ్‌ (ఎన్‌పీఎస్‌) కింద ఎన్‌పీఎస్‌ స్వస్థ్య కోసం ఇటీవల కార్యాచరణ మార్గదర్శకాలను విడుదల చేసింది. ఈ పథకం ఆరోగ్య సంరక్షణ ప్రయోజనాలతో రిటైర్మెంట్‌ సేవింగ్స్‌కు పెద్దపీట వేస్తున్నది. అందుకే ఓ సూపర్‌ టాప్‌-అప్‌ హెల్త్‌ ఇన్సూరెన్స్‌ పాలసీ తప్పనిసరి. ఎన్‌పీఎస్‌కు అర్హత ఉన్నవారు ఎవరైనా పీఎఫ్‌ఆర్డీఏ షరతులు, మార్గదర్శకాలకు లోబడి ఎన్‌పీఎస్‌ స్వస్థ్యలో చేరవచ్చు.

• పీఎఫ్‌ఆర్డీఏ కొత్త మార్గదర్శకాలివే

పెన్షన్‌ ఫండ్‌ రెగ్యులేటరీ అండ్‌ డెవలప్‌మెంట్‌ అథారిటీ (పీఎఫ్‌ఆర్డీఏ).. నేషనల్‌ పెన్షన్‌ సిస్టమ్‌ (ఎన్‌పీఎస్‌) కింద ఎన్‌పీఎస్‌ స్వస్థ్య కోసం ఇటీవల కార్యాచరణ మార్గదర్శకాలను విడుదల చేసింది. ఈ పథకం ఆరోగ్య సంరక్షణ ప్రయోజనాలతో రిటైర్మెంట్‌ సేవింగ్స్‌కు పెద్దపీట వేస్తున్నది. అందుకే ఓ సూపర్‌ టాప్‌-అప్‌ హెల్త్‌ ఇన్సూరెన్స్‌ పాలసీ తప్పనిసరి. ఎన్‌పీఎస్‌కు అర్హత ఉన్నవారు ఎవరైనా పీఎఫ్‌ఆర్డీఏ షరతులు, మార్గదర్శకాలకు లోబడి ఎన్‌పీఎస్‌ స్వస్థ్యలో చేరవచ్చు. ఇందులో రెండు భాగాలుంటాయి. ఒకటి పెట్టుబడి ఖాతా, మరొకటి బీమా పాలసీ ఉంటాయి.

• తొలి చందా తప్పనిసరిగా మొదటి సంవత్సరం బీమా ప్రీమియంను కవర్‌ చేసేలా ఉండాలి. ఎన్‌పీఎస్‌ స్వస్థ్య ఖాతాలో ఏటా కనీసం రూ.1,000 పెట్టుబడి పెట్టాలి. పెట్టుబడి కోసం చందా చెల్లించే ప్రతిసారి మీ ఖాతాకు కనీసం రూ.10 పెంచుకుంటూపోవాలి.
• 18-40, 40-60, 60-70 ఏండ్లవారికి వేర్వేరు ప్రీమియంలు. ప్రీమియం, పాలసీ షరతులకు లోబడి 85 ఏండ్లదాకా పొడిగించుకోవచ్చు. అలాగే హెల్త్‌ బెనిఫిట్‌ అడ్మినిస్ట్రేటర్‌ కోసం రూ.200 వార్షిక నిర్వహణ చార్జీ చెల్లించాలి. పన్నులు అదనం.
• రూ.1 లక్ష, రూ.5 లక్షలు, రూ.10 లక్షలు, రూ.30 లక్షల ఆరోగ్య బీమా ఆప్షన్లుంటాయి. వీటికి ప్రీమియంలు వరుసగా రూ.10,000, రూ.50,000, లక్ష రూపాయలు, రూ.3 లక్షలుగా ఉంటాయి. కనీస కార్పస్‌ రూ.25,000.
• పేర్కొన్న వైద్య ఖర్చుల కోసం పాక్షిక ఉపసంహరణలకు వీలుంటుంది. హెల్త్‌కేర్‌ విత్‌డ్రాయల్స్‌ కోసం ఎలాంటి వెయింటింగ్‌ పీరియడ్‌ ఉండదు. సాధారణ, ప్రీమెచ్యూర్‌ ఎగ్జిట్‌లతోపాటు, నగదు చెల్లించకపోతే, సబ్‌స్ర్కైబర్‌ చనిపోతే ఎన్‌పీఎస్‌ స్వస్థ్య ఖాతా క్లోజ్‌ అవుతుంది.
• స్టాండర్డ్‌ పాలసీలో ఫ్యామిలీ ఫ్లోటర్‌ కింద సబ్‌స్ర్కైబర్‌తోపాటు, వారి భాగస్వామి, ఇద్దరు సంతానానికి (పిల్లలు) ఆరోగ్య బీమా కవరేజీ ఉంటుంది. సబ్‌స్ర్కైబర్‌ తల్లిదండ్రులకు మాత్రం వర్తించదు.